Главная
Гороскопы
Буякi высакарослыя — у кожны сад
Валянцiна ШПIЛЕЎСКАЯ.
Тое, што гэта ягада абавязкова павiнна быць у меню кожнага чалавека, якi клапоцiцца аб сваiм здароўi, ведаюць, магчыма, нямногiя. Некаторыя могуць запярэчыць, што пайсцi ў лес, цi дакладней на балоцiстае месца, i збiрай буякоў, колькi хочаш. Але ў тым уся i справа, што буякi садовыя маюць некаторыя перавагi перад ляснымi. Па-першае, яны не накапляюць радыяцыю, памер ягад у некалькi разоў перавышае плады лясной ягады, захоўваючы пры гэтым незвычайны смак i якасць.
Вынiкi навуковых даследаванняў, праведзеных у ЗША i Фiнляндыi, паказалi, што сярод 40 даследаваных сартоў i вiдаў агароднiны i фруктаў менавiта буякi садовыя занялi лiдзiруючае месца па ўтрыманню антыакiслiцеляў. I толькi за iмi iдзе вiнаград. Вядомы польскi вучоны, доктар Казiмiр Смоляк неяк пажартаваў: «Калi вы зоймецеся вырошчваннем буякоў садовых, то нiколi ўжо не памраце». Магчыма, ён мае рацыю. Цяпер гэту ягаду рэкламуюць як крынiцу вечнай маладосцi. Як паказалi даследаваннi, буякi здольныя не толькi запавольваць працэсы старэння, але i садзейнiчаюць амаладжэнню арганiзма. Каб палепшыць абмен рэчываў, памяць i каардынацыю рухаў, дастаткова з’ядаць па паўшклянкi ягад у дзень. Iснуе цэлы шэраг iншых фруктаў, якiя садзейнiчаюць, напрыклад, паляпшэнню памяцi, але такога комплекснага ўплыву на арганiзм чалавека, як паказалi даследаваннi, не дае нiводзiн з iх. Буякi паляпшаюць зрок, работу стрававальнага тракту, залоз унутранай сакрэцыi, i, што немалаважна, здымаюць алергiчныя рэакцыi арганiзма на лякарствы i прадукты харчавання. Самi ж буякi нiколi не выклiкаюць алергii i iх можна даваць дзецям з павышанай адчувальнасцю i схiльнасцю да алергii i дыятэзу. Попыт на гэтыя ягады i ў нас даволi вялiкi. Але, як усякая раслiна, каб яна нармальна прыжылася i ўрадзiла, патрабуе спецыяльных ведаў. Аб тым, як атрымаць ураджай з гэтай культуры, можна будзе даведацца, у тым лiку, у Цэнтральным батанiчным садзе, якi 8 жнiўня (серада) праводзiць арганiзацыйнае мерапрыемства «Дзень буякоў». Можна будзе пакаштаваць ягады буякоў садовых i купiць iх, выбраць i купiць саджанцы тых сартоў, якiя вам спадабаюцца. Прадукцыю прывязуць фермерскiя гаспадаркi свайго ўласнага ўраджаю. Вы атрымаеце кансультацыю спецыялiстаў па вырошчванню буякоў садовых. Зайсцi ў батанiчны сад можна будзе з цэнтральнага ўваходу i з вулiцы Сурганава (службовы ўваход). Выстава будзе размяшчацца каля новага будынка «Аранжарэi». Пачатак у 11.00. Мерапрыемства праводзiць грамадскае аб’яднанне «Паўночны вiнаград».
Чтобы разместить новость на сайте или в блоге скопируйте код:
На вашем ресурсе это будет выглядеть так
Тое, што гэта ягада абавязкова павiнна быць у меню кожнага чалавека, якi клапоцiцца аб сваiм здароўi, ведаюць, магчыма, нямногiя. Некаторыя могуць зап |
|