Відэа. Прадстаўнікі грамадскасці і замежныя дыпламаты пішуць беларускую дыктоўку

Источник материала:

15 сакавіка ў Мінску ў офісе грамадскага аб'яднання "Таварыства беларускай мовы імя Францішка Скарыны" (ТБМ) адбылася першая дыктоўка па беларускай мове ў рамках агульнацыянальнай акцыі, прымеркаванай да 90-годдзя абвяшчэння Беларускай Народнай Рэспублікі. Удзел у ёй узялі каля 20 чалавек — культурныя дзеячы, прадстаўнікі незалежных сродкаў масавай інфармацыі і замежных дыпламатычных місій.

Часовы павераны Славакіі ў Беларусі Любамір Рэгак, прэс-сакратар пасольства Польшчы Моніка Садкоўска, саветнік пасла Літвы Дарыус Віткаўткас, пасол Украіны Ігар Ліховы прачыталі ў перакладзе на беларускую вершы паэтаў сваіх краін пра мову. Часовы павераны ў справах Вялікабрытаніі ў Беларусі Найджэл Гулд-Дэвіс прачытаў у перакладзе на англійскую мову адзін з санетаў Янкі Купалы.

Дыктоўку яе ўдзельнікам зачытвала выкладчыца беларускай мовы больш чым з 30-гадовым стажам з Беларускага дзяржаўнага універсітэта культуры і мастацтва, намеснік старшыні ТБМ Людміла Дзіцэвіч. У якасці тэксту была выбрана прадмова Францішка Багушэвіча да яго кнігі "Дудка беларуская".

Паводле слоў кіраўніка мінскага аддзялення пасольства Швецыі ў Маскве Стэфана Эрыксана, у яго "вельмі добрае стаўленне да беларускай мовы", якую дыпламат, калі прыехаў у Мінск, адразу пачаў вывучаць. Як прызнаўся С. Эрыксан, удзел у дыктоўцы стаў для яго і цікавым досведам, і добрым урокам беларускай мовы.

Ініцыятар агульнанацыянальнай дыктоўкі, палітолаг Уладзімір Падгол падкрэсліў у інтэрв'ю БелаПАН, што агульнанацыянальная дыктоўка стала "актам салідарнасці людзей з беларускай мовай, актам яе пашаны і сведчаннем таго, што яна неўміручая".

Нагадаем, агульнацыянальная дыктоўка па беларускай мове будзе праводзіцца 23 сакавіка кожную гадзіну з 10.00 да 18.00. Яе пераможцы атрымаюць розныя прызы. Фотавыставу матэрыялаў дыктоўкі мяркуецца прадэманстраваць у Беларусі і ў тых краінах, дзе жывуць беларусы, а таксама экспанаваць у будынку сакратарыята ААН у Нью-Йорку.

Get the Flash Player to see this player.

var s1=new SWFObject("http://tut.by/player/player.swf","single","447","376","9");s1.addParam("allowfullscreen","true");s1.addVariable("video","http://tut.by/user.files/dyktouka.flv");s1.addVariable("AutoPlay","false");s1.addVariable("image","http://tut.by/user.files/dyktouka.jpg");s1.write("player");