Кампанія "Ферэйн" гатова ўдзельнiчаць у развiццi ў Беларусi буйной фармацэўтычнай прамысло

Источник материала:

Беларусь зацiкаўлена ў тым, каб кампанiя "Ферэйн" развiвала сваю вытворчасць у рэспублiцы, заявiў прэзiдэнт краiны Аляксандр Лукашэнка на сустрэчы ў Мiнску з кiраўнiком расiйскага холдынгу "Ферэйн" Уладзiмiрам Брынцалавым.

"Сустракаючыся з вамi ў 2006 годзе, мы вызначылi асноўныя напрамкi супрацоўнiцтва, — нагадаў Аляксандр Лукашэнка. — З таго часу ў мяне з’явiўся шэраг пытанняў. Перш за ўсё, цi не здарылася так, што нешта перашкаджае вам працаваць у Беларусi?" "Хацелася б, каб вы выпускалi свае тавары тут", — падкрэслiў ён.

Кiраўнiк дзяржавы таксама адзначыў, што яшчэ два гады таму ён дамовiўся з кiраўнiцтвам холдынгу "Ферэйн" аб тым, што гэта кампанiя будзе iнвеставаць сродкi не толькi ў свой бiзнэс, але i ў сацыяльную сферу краiны. "Гэту дамоўленасць вы не проста выканалi, але i перавыканалi", — сказаў ён, дадаўшы, што агульная сума ўкладанняў "Ферэйн" у сацыяльную сферу Беларусi дасягае $20 млн.

Паводле вынiкаў сустрэчы Уладзiмiр Брынцалаў паведамiў журналiстам, што Аляксандр Лукашэнка даў станоўчую ацэнку вынiкам дзейнасцi холдынгу ў краiне. "Я працую ў Беларусi ўжо тры гады i вельмi задаволены: бiзнэс iдзе паспяхова. Мы атрымлiваем добры прыбытак, з яго частку iнвестуем тут", — расказаў госць.

Уладзiмiр Брынцалаў лiчыць, што Беларусь становiцца вельмi прывабнай краiнай для замежных iнвестыцый. Паводле яго слоў, у рэспублiцы стала мацней адчувацца прысутнасць замежнага бiзнэсу. "У Беларусi добры клiмат для iнвестыцый. Што вельмi важна, няма карупцыi, — адзначыў ён. — Таму я i сваiм калегам рэкамендую звярнуць увагу на Беларусь". Уладзiмiр Брынцалаў таксама падкрэслiў, што яго кампанiя гатова ўдзельнiчаць у развiццi ў Беларусi буйной фармацэўтычнай вытворчасцi.

Холдынг "Ферэйн" займаецца бiзнэсам у розных сферах дзейнасцi (нерухомая маёмасць, фармацэўтыка i iншыя). Кошт холдынгу ацэньваецца ў $2,5 млрд. У Вiцебску ў свабоднай эканамiчнай зоне зарэгiстравана сумеснае з "Белбiяфармам" прадпрыемства "Вiтунiфарм". Акрамя таго, "Ферэйн" актыўна аказвае спонсарскую дапамогу ў сацыяльнай сферы Беларусi — школам, спартыўным камандам i iнш.

Прэс-служба Прэзiдэнта Рэспублiкi Беларусь.