Яшчэ раз пра льготы воiнам-афганцам

Источник материала:

Пытальнік

Нядаўна я звяртаўся да вас з просьбай патлумачыць сiтуацыю з захаваннем iльготаў воiнам-афганцам. На гэты зварот атрымаў адказ з Мiнтранса, аднак нiчога канкрэтнага ў iм не было. Выказаныя некiм меркаваннi не могуць жа разглядацца як афiцыйныя? Як гэта разумець? Прашу вас разабрацца па дадзеным факце.

У.В. Смiрноў, в. Любонiчы Кiраўскага раёна.

Рэдакцыя яшчэ раз мусiла звярнуцца ў Мiнiстэрства транспарту i камунiкацый у пошуках адказу на запыт чытача. Як патлумачылi там, за апошнi час нiякiх новых зрухаў у плане прадастаўлення льгот воiнам-афганцам не было: яны захоўваюць магчымасць бясплатных паездак у гарадскiм i прыгарадным аўтамабiльным транспарце. Газета ўжо пра гэта пiсала (i сам чытач, дарэчы, у сваiм першым лiсце згадвае тую iнфармацыю), што льготы па праездзе для воiнаў-афганцаў не скасоўвалiся i працягваюць дзейнiчаць у адпаведнасцi з пагадненнем краiн СНД "Аб узаемным прызнаннi правоў на льготны праезд для iнвалiдаў i ўдзельнiкаў Вялiкай Айчыннай вайны, а таксама прыраўнаваных да iх асобаў" ад 12 сакавiка 1993 года. У лiк апошнiх трапляюць i ўсе воiны-афганцы.