"Віцебск" наперадзе

Источник материала:

Спорт-тайм

Матчам "Дынама" (Мiнск) — "Вiцебск" 5 мая завяршыўся 5-ы тур футбольнага чэмпiянату Беларусi ў вышэйшай лiзе.

Мiнчане пацярпелi першае паражэнне — 1:2 (Мбанангой, 90, з пенальцi — Усаў 45+1, Сiтко, 63). Вось вынiкi сустрэч, якiя прайшлi 4 мая: "Савiт" (Магiлёў) — "Нёман" (Гродна) — 3:5. МТЗ-РIПА (Мiнск) — "Тарпеда" (Жодзiна) — 4:2, "Шахцёр" (Салiгорск) — "Смаргонь" — 0:1 (Кавальчук, 72, аўтагол), БАТЭ (Барысаў) — "Гранiт" (Мiкашэвiчы) — 1:1, "Дынама" (Брэст) — "Дарыда" (Ждановiчы) — 2:1, "Лакаматыў" (Мiнск) — "Днепр" (Магiлёў) — 2:1, "Нафтан" — "Гомель" — 1:2.

Турнiрнае становiшча камандаў: "Вiцебск" — 13 ачкоў (рознiца мячоў 7-3), "Смаргонь" — 10 (7-7), МТЗ-РIПА — 9 ( 15-9), "Нафтан" — 9 (7-5), БАТЭ — 9 (6-3), "Дынама" (Мiнск) — 8 (8-5), "Шахцёр" — 8 (6-5), "Тарпеда" — 7 (10-7), "Гомель" — 7 (6-6), "Гранiт" — 6 (5-3), "Лакаматыў" — 6 (8-11), "Нёман" — 4 (10-12), "Савiт" — 4 (6-10), "Дынама" (Брэст) — 4 (3-9), "Днепр" — 3 (6-9), "Дарыда" — 1 (6-12). Наступны тур адбудзецца 10 мая.

Жукава выйграла Гран-пры Балгарыi

Беларуская спартсменка Iна Жукава паспяхова выступiла на этапе Гран-пры па мастацкай гiмнастыцы ў балгарскiм Бургасе. У першы дзень спаборнiцтваў яна была лепшай у шматбор’i, атрымаўшы па суме чатырох практыкаванняў (скакалка, абруч, булавы, стужка) 72,775 бала.

Другое месца заняла балгарская гiмнастка Сiмона Пейчава, трэцяй была Iрына Рэзенсан (Iзраiль). Яшчэ адна беларуска Любоў Чаркашына ў шматбор’i заняла 9-е месца. У заключны дзень турнiру Iна Жукава не ведала сабе роўных ва ўсiх чатырох фiналах у асобных вiдах, стаўшы абсалютнай пераможцай балгарскага этапа Гран-пры. Наступным буйным турнiрам для беларускiх грацый стане этап Кубка свету, якi пройдзе 17—18 мая ў Мiнску. Чакаецца, што ў iм возьмуць удзел наймацнейшыя гiмнасткi планеты, якiя рыхтуюцца да Алiмпiйскiх гульняў у Пекiне.