Па падазрэнні ў крадзяжы затрыманы в.а начальнiка Гомельскага лакаматыўнага дэпо

Источник материала:

Аб гэтым паведамiлi ў прэс-групе Гомельскага абласнога ўпраўлення Камiтэта дзяржаўнай бяспекi.

Затрыманы — чарговы фiгурант па крымiнальнай справе, якая раней была ўзбуджана ў дачыненнi да групы асобаў, якiя абвiнавачвалiся ў нанясеннi Гомельскаму аддзяленню Беларускай чыгункi ўрону на суму больш як Br1,7 млрд. Кiраўнiк падазраецца ў дачыненнi да гэтых крадзяжоў.

У злачынным ланцугу аказалiся кiраўнiкi адной з камерцыйных структур Гомеля, расiйскай фiрмы i службовыя асобы Гомельскага лакаматыўнага дэпо. З 2003 па 2006 год згаданыя асобы, уступiўшы ў змову, заключылi дагаворы камiсii, у адпаведнасцi з якiмi гомельская камерцыйная структура на адным з расiйскiх прадпрыемстваў арганiзоўвала рамонт галоўных валаў гiдраперадачы ГДП 1000 для дызель-цягнiкоў. Дэпо пералiчвала сродкi гомельскiм камерсантам, якiя потым пераводзiлiся на рахункi падкантрольнай iм расiйскай фiрмы. У Расii грошы рабiлiся наяўнымi i вярталiся ў Гомель зацiкаўленым асобам. Фактычна вышэй згаданыя дэталi нiколi не рамантавалiся ў Расii i не пакiдалi тэрыторыю Рэспублiкi Беларусь, а часта i тэрыторыю самога дэпо.

З 2007 года да часу затрымання кiруючы работнiк будаваў дом у Гомелi, выкарыстоўваючы будматэрыялы прадпрыемства i накiроўваючы на асабiсты падворак падначаленых яму работнiкаў, якiя праводзiлi на аб’екце рамонтна-будаўнiчыя работы.

Белта.