Дзень цвярозасцi

Источник материала:

З самага першага дня правядзення "базару" пасля 16 гадзiн спiртное ў цэнтры горада не знайсцi. А цяпер аматарам выпiць будзе яшчэ больш цяжка. Дзень цвярозасцi праводзiцца па iнiцыятыве кiраўнiцтва УУС Вiцебскага аблвыканкама — спецыяльна ў Дзень культуры Беларусi. На плошчы 1000-годдзя ўвечары запланавалi сабраць подпiсы ў забарону рэкламы пiва па тэлебачаннi. Праграма ўсiх мерапрыемстваў вельмi багатая: конкурсы на фiгурнае ваджэнне веласiпеда, па катаннi на ролiкавых каньках, стральбе з пнеўматычнай зброi, армрэслiнгу, дартсу. Цiкава, што i байкеры (а якi байкер без пiва?) падтрымалi iдэю арганiзатараў Дня цвярозасцi — прадэманструюць майстэрства кiравання матацыкламi. Выступяць таксама клуб воiнскiх мастацтваў "Берсек", мiлiцэйскiя ВІА i аркестр. Мiлiцыя, дарэчы, будзе "апрацоўваць" установы грамадскага харчавання, рынкi i г.д., каб выявiць парушэннi ў продажы спiртнога. Легендарны змагар з п’янствам ксёндз — прэлат Мосарскага касцёла Ёзас Булька выступiць перад гасцямi незвычайнага свята: ён добра ўмее рэкламаваць здаровы лад жыцця. У праваслаўных i каталiцкiх храмах падчас службаў словы ў абарону цвярозасцi скажуць святары.