Хроніка апошніх падзей

Источник материала:

Мадрыдская авiякатастрофа: 150 загiнулых

Падчас разгона самалёта, якi рыхтаваўся да вылету з аэрапорта "Барахас", ў яго загарэўся левы рухавiк. Лайнер выехаў за межы ўзлётна-пасадачнай паласы i развалiўся на некалькi частак.

У вынiку канфлiкту з Грузiяй расiяне запаважалi сваю армiю

Дзеяннi расiйскай армii ў зоне грузiна-паўднёваасецiнскага канфлiкту радыкальна памянялi стаўленне расiян да ўзброеных сiлаў РФ.

"Асноўныя пачуццi, якiя адчуваюць расiяне, калi кажуць аб узброеных сiлах нашай краiны, гэта гонар, павага i надзея", — паведамiў гендырэктар Усерасiйскага цэнтра даследавання грамадскай думкi Валерый Фёдараў. Паводле яго слоў, гонар за расiйскую армiю адчуваюць 30 працэнтаў рэспандэнтаў, аб сваёй павазе да яе заявiлi 29 працэнтаў апытаных, надзеi на яе ўскладаюць 25 працэнтаў расiян.

"Гэта радыкальны пераварот у стаўленнi грамадзян Расii да нашых узброеных сiлаў", — лiчыць гендырэктар УЦДГД. Ён паведамiў, што тры гады таму на пытанне, цi здольная наша армiя абаранiць Расiю ў выпадку рэальнай ваеннай пагрозы, адмоўна адказалi 33 працэнты апытаных. Сёння лiк асобаў, якiя захоўваюць гэтае меркаванне складае толькi 11 працэнтаў.

ЗША i Польшча падпiсалi дагавор аб размяшчэннi амерыканскай ПРА

Дзяржсакратар ЗША Кандалiза Райс i мiнiстр замежных спраў Польшчы Радаслаў Сiкорскi ўчора, 20 жнiўня, падпiсалi ў Варшаве дагавор аб размяшчэннi элементаў амерыканскай сiстэмы процiракетнай абароны.

Папярэдняя дамова аб размяшчэннi ў Польшчы батарэi зенiтна-ракетных комплексаў "Пэтрыёт" з 96 ракетамi была дасягнутая яшчэ на мiнулым тыднi.

Абхазскi парламент папрасiў у Расii прызнання незалежнасцi

Парламент Абхазii 20 жнiўня на пазачарговым пасяджэннi ўхвалiў зварот прэзiдэнта Сяргея Багапша да расiйскiх уладаў з просьбай прызнаць незалежнасць рэспублiкi. Акрамя таго, быў прыняты такi ж зварот да парламентаў i народаў свету.

Фруктовыя сокi парушаюць засваенне лекаў

Канадскiя навукоўцы выявiлi, што грэйпфрутавы, яблычны i апельсiнавы сокi парушаюць усмоктванне некаторых лекавых прэпаратаў. 

Гэтае даследаванне пацвярджае iснуючую рэкамендацыю запiваць лекi чыстай вадой.