Вада з аміякам

Источник материала:

У дачыненнi да пяцi адказных асобаў узбуджаны крымiнальныя справы пасля праверкi спецыялiстамi Камiтэта дзяржаўнага кантролю Вiцебскай вобласцi ў Лепельскiм раёне.

Падчас праверкi было высветлена, што ў вёсцы Грыгаровiчы вада ў свідравіне аказалася непрыдатная для пiцця з-за перавышэння ўтрымання амiяку. Эксплуатацыя яе была прыпыненая раённым цэнтрам гiгiены i эпiдэмiялогii. На момант праверкi водазабеспячэнне ажыццяўлялася з дзвюх старых свід-равін. Кантралёры зрабiлi выснову, што бюджэтныя сродкi — 145,9 мiльёна беларускiх рублёў — былi выкарыстаныя неэфектыўна.

У самiм райцэнтры новы аб’ект па водазабеспячэннi стаў даўгабудам. Замест запланаваных 14 месяцаў будаўнiцтва першай чаргi вялося 3 гады. Больш за тое, будаўнiцтва другой чаргi сёлета не запланавана. Пры гэтым частка вулiц у Лепелi не абсталяваная магiстральным водаправодам.

Вынiкi праверкi былi разгледжаны на выязным пасяджэннi ў Лепелi калегii Камiтэта з удзелам кiраўнiка гэтай арганiзацыi Зянона Ломаця.

Аляксандр ПУКШАНСКІ.