Навучэнцам, студэнтам, аспірантам, настаўнiкам, навукова-педагагiчным работнiкам

Источник материала:

Дарагiя сябры!

Сардэчна вiншую вас з Днём ведаў.

Гэта свята адкрывае шлях у цудоўны свет, якi дорыць радасць пазнання i бескарыслiвага сяброўства.

Беларусь па праву ганарыцца нацыянальнай сiстэмай адукацыi, якая дае фундаментальныя веды, гарантуе высокую якасць агульнанавуковай i прафесiйнай падрыхтоўкi, выхоўвае дастойных грамадзян сваёй Айчыны.

У абноўленай адзiнаццацiгадовай школе будуць створаны роўныя ўмовы для навучання i выхавання ўсiх дзяцей, свабоднай рэалiзацыi iх здольнасцяў i паўнацэннага фiзiчнага развiцця.

Дзяржава прыме самыя дзейсныя меры для павышэння прэстыжу прафесiйна-тэхнiчнай i сярэдняй спецыяльнай адукацыi, умацавання сувязi вышэйшай школы з навукай i вытворчасцю.

Дарагiя навучэнцы i студэнты! Настойлiва авалодвайце ведамi, старайцеся мыслiць творча, самастойна вырашаць самыя складаныя задачы i дасягаць намечанай мэты.

Паважаныя настаўнiкi i выкладчыкi! Няхай вам заўсёды спадарожнiчае поспех у высакародным служэннi iдэалам мудрасцi, асветы i дабра.

Жадаю ўсiм навучэнцам, студэнтам, аспiрантам i педагогам моцнага здароўя, новых дасягненняў у вучобе i працы, шчасця i дабрабыту. Наперад, у краiну Ведаў!

Прэзідэнт Рэспублікі Беларусь Аляксандр Лукашэнка.