Беларускі рубель з пачатку года ўмацаваўся адносна ўсiх асноўных валют

Источник материала:

Як адзначыў Пётр Пракаповiч, такое ўмацаванне беларускага рубля адбылося ўпершыню за ўвесь час iснавання нацыянальнай валюты. Прэзiдэнт праiнфармаваны аб рабоце банкаўскай сiстэмы за восем месяцаў гэтага года. Усе асноўныя паказчыкi грашова-крэдытнай палiтыкi ў 2008 годзе выконваюцца ў поўным аб’ёме. У краiне апераджальнымi тэмпамi iдзе крэдытаванне эканомiкi. У параўнаннi з мiнулым годам аб’ёмы банкаўскiх крэдытаў для рэальнага сектара эканомiкi павялiчылiся ў 1,6 раза. У вынiку правядзення працэнтнай палiтыкi, стымулюючай уклады насельнiцтва, з пачатку года перавыконваецца праграма па нарошчваннi ўкладаў насельнiцтва. Стабiльна працуе плацежная сiстэма.

Кiраўнiку дзяржавы таксама даложана аб выкананнi праграмы развiцця банкаўскага сектара на 2006-2010 гады. Старшыня праўлення Нацбанка падкрэслiў, што па адным з галоўных паказчыкаў — нарошчваннi рэсурснай базы банкаўскай сiстэмы — пяцiгадовая праграма практычна ўжо выканана. Чакаецца, што да канца 2010 года яе аб’ём не менш як у два разы перавысiць запланаваны.

На сустрэчы iшла размова аб выкананнi i iншых даручэнняў кiраўнiка дзяржавы, у прыватнасцi, што датычацца нарошчвання аб’ёмаў будаўнiцтва жылля. Да 2011 года ў Беларусi павiнна ўзводзiцца не менш як 10 млн кв.м штогод. Аляксандр Лукашэнка запатрабаваў, каб усе даручэннi, што датычацца нарошчвання аб’ёмаў будаўнiцтва жылля, i ў цэлым iнвестыцый у краiне, выканання нарматыўных тэрмiнаў будаўнiцтва жылля i павышэння яго якасцi, няўхiльна выконвалiся ўсiмi органамi кiравання.