Шанц на дэпутацтва атрымалi па вынiках пасяджэнняў ЦВК некаторыя незарэгiстраваныя акруговымi камiсi
Шанц на дэпутацтва атрымалi па вынiках пасяджэнняў ЦВК некаторыя незарэгiстраваныя акруговымi камiсiямi кандыдаты
Два днi запар пасяджэннi Цэнтр-выбаркама праходзiлi фактычна ў рэжыме нон-стоп. Было разгледжана больш як 50 скаргаў тых кандыдатаў у дэпутаты, каму адмовiлi ў рэгiстрацыi акруговыя камiсii. Пасля пасяджэння 3 верасня ў палку прэтэндэнтаў на дэпутацкi мандат прыбыла пяцёра. Яшчэ трое далучылiся да iх учора. Яны вылучалiся ад акруг, утвораных у Гомельскай, Вiцебскай, Мiнскай абласцях i сталiцы. Практыка паказала, што пры праверцы звестак, пададзеных кандыдатамi, у розных ведамствах калi-нiкалi ўзнiкаюць тэхнiчныя памылкi. У такiх выпадках Цэнтрвыбаркам прымае рашэнне зарэгiстраваць кандыдата. У размове з журналiстамi старшыня Цэнтральнай камiсii па правядзеннi выбараў i рэспублiканскiх рэферэндумаў Лiдзiя Ярмошына падзялiлася самай свежай навiной: учора сваё жаданне ўзяць удзел у назiраннi за парламенцкiмi выбарамi ў нашай краiне выказаў старшыня ЦВК Расii Уладзiмiр Чураў. Пракаментавала спадарыня Ярмошына i нядаўнiя пасяджэннi Цэнтрвыбаркама: — Адным з самых радасных момантаў з’яўляецца тое, што адмоў у рэгiстрацыi значна менш, чым у папярэднiя гады. І сёння большая частка рашэнняў, якiя прадстаўляюцца на суд Цэнтральнай камiсii, з’яўляюцца абгрунтаванымi. Галоўная тэндэнцыя — гэта паляпшэнне якасцi работы нашых арганiзатараў выбараў унiзе. Л. Ярмошына адзначыла, што кандыдаты дапускалi адны i тыя ж памылкi. — Асаблiва ў горадзе Мiнску гэта масавая з’ява — прававая неадукаванасць кандыдатаў i iх iнiцыятыўных груп. Не там збiралi, не там завяралi, не туды здавалi — i гэтак далей. Уключалi ў адны i тыя ж падпiсныя лiсты подпiсы выбаршчыкаў, якiя пражываюць у розных раёнах горада, або ўключалi подпiсы тых, хто пражывае па-за тэрыторыяй выбарчай акругi, ад якой вылучаўся кандыдат. — Расце наш сярэднi клас, расце яго багацце, — дадала старшыня ЦВК. — Таму кандыдаты ўсё часцей забываюць аб маёмасцi, набытай у 1990-я гады. Штосьцi з заснаванага знаходзiцца на стадыi лiквiдацыi. Аднак акрамя выпадкаў, калi кандыдаты забываюць (выпадкова або наўмысна) указаць нешта ў дэкларацыях аб даходах i маёмасцi, здараецца i так, што памыляецца той, хто правярае. — Нават суды памыляюцца. Вядома ж, памылкi ёсць i ў выбарчых камiсiй, — канстатавала Лiдзiя Ярмошына. — Самая галоўная памылка — няправiльная праверка тых дакументаў, якiя прадастаўлены кандыдатам. Учора па гораду Мiнску мы аднавiлi ў правах аднаго з кандыдатаў (гэта была жанчына), паколькi акруговай выбарчай камiсiяй быў узяты для праверкi няправiльны працэнт подпiсаў у яе падтрымку. Шанц на дэпутацтва ўсё яшчэ застаецца i ў тых незарэгiстраваных кандыдатаў, каму адмовiлi i ў Цэнтральнай камiсii. Яны могуць абскардзiць гэта рашэнне ў Вярхоўным судзе краiны ў трохдзённы тэрмiн. Ала МАЧАЛАВА.
Чтобы разместить новость на сайте или в блоге скопируйте код:
На вашем ресурсе это будет выглядеть так
Шанц на дэпутацтва атрымалi па вынiках пасяджэнняў ЦВК некаторыя незарэгiстраваныя акруговымi камiсi Два днi запар пасяджэннi Цэнтр-выбаркама праходзiлi фактычна ў рэжыме нон-стоп. Было разгледжана больш як 50 скаргаў тых кандыдатаў у дэпутаты, каму а
|
|