Адносіны Беларусi i Кiтая — узор мiждзяржаўных адносiнаў

Источник материала:

Сюды ён завiтаў невыпадкова. Памiж Акадэмiяй i Нацыянальнай школай кiравання КНР падпiсана пагадненне аб супрацоўнiцтве, у рамках якога прадугледжаны навуковыя абмены, сумесныя даследаваннi i г.д. У Хуньбiнь, у прыватнасцi, спынiўся на асаблiвасцях функцыянавання кiтайскай мадэлi дзяржаўнага кiравання. Пасол зазначыў, што за 30 гадоў рэформаў былi як поспехi i здабыткi, так i памылкi, пралiкi. Таму сёлета ў Пекiне сур’ёзна аналiзуюць вынiкi гэтага 30-гадовага шляху, робяць адпаведныя высновы на будучыню. Сёння на парадку дня паўстала новае пытанне — як лепш прыстасавацца Кiтаю да новай мiжнароднай абстаноўкi ў свеце? Гэта, па словах дыпламата, складаная задача.

У Хуньбiнь выказаў задаволенасць узроўнем адносiнаў нашых дзяржаў, якiя адрознiваюцца ўстойлiвасцю, уражваюць станоўчай дынамiкай кантактаў i вялiкай ступенню ўзаемаразумення i даверу памiж iх кiраўнiкамi. Гэтага ўдалося дасягнуць у многiм дзякуючы таму, што мы нiколi не навязвалi сваю волю адзiн аднаму, адносiны будуюцца на прынцыпах раўнапраўя i поўнай павагi суверэнiтэту.

Невыпадкова апошнiм часам, на думку пасла, значна вырас гандлёвы абарот, якi ўжо пераўзышоў мiльярд долараў ЗША. Аднак гэта не мяжа, лiчыць У Хуньбiнь. Значным крокам наперад стане рэалiзацыя сумесных праектаў: мадэрнiзацыя Мiнскай ЦЭЦ-2 i будаўнiцтва цэментнага завода. Толькi кiтайскi крэдыт на ўзвядзенне апошняга складзе паўмiльярда долараў ЗША.

Разам з тым пасол заўважыў, што супрацоўнiцтва ў эканомiцы развiваецца не так хутка i плённа, як адносiны ў палiтычнай сферы. Сiтуацыя можа iстотна змянiцца з прыходам на рынак Беларусi вялiкiх кiтайскiх кампанiй, пашырэння паставак якасных тавараў з КНР, а не гандаль тымi вырабамi, якiя завозяць "чаўнакi".

У сваю чаргу пасол паабяцаў, што кiтайскiя дыпламаты будуць усяляк спрыяць зблiжэнню двух народаў, пашырэнню культурных кантактаў, узаемных гастроляў творчых калектываў, абмену студэнтамi. У Хуньбiнь сказаў, што нядаўна ў Кiтаi з поспехам прайшлi Днi культуры Беларусi.

Аб чым толькi нi пыталiся студэнты ў пасла: аб правiлах вучобы ў кiтайскiх ВНУ, падзеях у Тыбеце, стаўленнi да агрэсii Грузii, старажытнай кiтайскай медыцыне, нядаўняй Алiмпiядзе i г.д. І на ўсе пытаннi моладзь атрымала шчырыя адказы