Васьміногам тут кiдацца забаронена!

Прычына: войска ЗША некалi выкарыстоўвала вярблюдаў у якасцi цяглавай сiлы. Мясцовыя жыхары, незнаёмыя з ваеннымi эксперыментамi, лiчылi двухгорбых жывёл новым вiдам дзiкiх жывёл i палявалi на iх, чым наносiлi сур’ёзную шкоду абараназдольнасцi краiны. У вынiку вярблюды былi звольненыя з ваеннай службы i цяпер у алабамскiх паўпустынях жывуць дзiкiя вярблюды. Паляваць на iх па-ранейшаму забаронена.

У штаце Калiфорнiя забароненыя лазнi

Прычына: гэты закон быў усталяваны ў канцы 1980-х гадоў, калi было выяўлена, што большасць гомасэксуалiстаў, хворых на СНІД, заразiлiся ў публiчных лазнях. Закон быў прыняты, каб спынiць развiццё эпiдэмii.

У горадзе Лос-Анджэлес забаронена аблiзваць жаб

Прычына: закон быў прыняты пасля таго, як гарадскiя падлеткi выявiлi, што скура некаторых жаб утрымлiвае галюцынагены. Наркаманы адлоўлiвалi жаб i старанна аблiзвалi iх, а палiцыя нiчога не магла зрабiць з гэтым.

У горадзе Норка закон жыхарам забараняецца мець насарогаў

Прычына: Норка мае неафiцыйны тытул "горада незвычайных хатнiх жывёл". Жыхары горада трымаюць у хатах варанаў, кракадзiлаў, свiней, не кажучы ўжо аб традыцыйных сабаках, кошках, трусах, хамяках i г. д. Хатнiя ўлюбёнцы маюць звычай часам уцякаць з дому. Аднойчы гэта адбылося з дзiцем насарога, якi моцна нашкодзіў мясцовым садам i газонам.

У горадзе Мабiл мужчынам забаронена выць па-воўчаму ў публiчных месцах

Прычына: некалi ў горадзе кватаравала вайсковая часць, якая калiсьцi насiла на нарукаўным шаўроне малюнак ваўка (гэта, у сваю чаргу, тлумачыцца даўняй гiсторыяй, калi ЗША ваявалi з iндзейцамi, i падраздзяленнi разведчыкаў такiм чынам дэманстравалi сваю адвагу, асцярожнасць i сiлу). Па вечарах салдаты збiралiся ў мясцовых барах i страшэнна вылi, пераймаючы вой ваўкоў, што страшна раздражняла гараджан. Ваенную базу зачынiлi, а закон застаўся.

У гэтым жа горадзе жанчынам забаронена насiць абутак на абцасе-шпiльцы

Прычына: адна жанчына на шпiльках наступiла ў рашотку вадазлiву i пашкодзiла нагу. Яна палiчыла, што ва ўсiм вiнаваты мунiцыпалiтэт, якi абсталяваў вулiцы падобнымi небяспечнымi прыладамi, звярнулася ў суд i выйграла справу. У вынiку, каб прадухiлiць з’яўленне падобных iскаў у будучынi, бацькi горада палiчылi, што танней прыняць спецыяльны закон, чым памяняць рашоткi.

У горадзе Боулдар забаронена выстаўляць канапы на ганку хаты

Прычына: у горадзе знаходзiцца вялiкi i вельмi вясёлы ўнiверсiтэт. У 2003 годзе часопiс US Nеws & Wоrld Rероrt назваў гэты храм навукi лепшым месцам для аматараў забаў. Студэнты любяць адзначаць перамогi ўнiверсiтэцкiх спартсменаў вогнiшчамi на гарадскiх вулiцах, што часта прыводзiць да пажараў. Канапы з’яўляюцца для маладзёжных забаў iдэальным вiдам палiва.

У Фларыдзе дзверы ўсiх будынкаў павiнны адчыняцца толькi вонкi

Прычына: у выпадку пажару людзям лягчэй выбегчы на вулiцу.

У горадзе Сiсайд вакол усiх дамоў павiнен быць усталяваны белы плот. Кожны дом павiнен мець прыгожы ганак

Прычына: эканомiка горада заснаваная на iндустрыi турызму. Таму мунiцыпалiтэт вырашыў, што падобны дызайн дазволiць стварыць "казачнае мястэчка", што зробiць яго яшчэ больш прывабным для турыстаў.

У штаце Гаваi забароненыя рэкламныя плакаты на дарогах i ў грамадскiх месцах

Прычына: рэклама не павiнна перашкаджаць турыстам любавацца на гавайскiя пейзажы.

У горадзе Оверленд-Парк забаронена рабiць дэманстрацыi на пахаваннях

Прычына: закон быў прыняты з-за аднаго чалавека, радыкальнага хрысцiянiна, якi рэгулярна з’яўляўся на пахаваннях гомасэксуалiстаў з плакатамi, якiя абвяшчалi, што нябожчык заслужыў смерць, i Бог яго пакараў.

У штаце Мiчыган забаронена кiдацца васьмiногамi ў грамадскiх месцах

Прычына: да прыняцця гэтага закона, падчас матчаў NHL, у якiх удзельнiчала хакейная каманда Dеtrоit Rеd Wings, балельшчыкi шпурлялi васьмiногаў на лёд. Традыцыя з’явiлася ў 1952 годзе, калi камандзе трэба было выйграць усе апошнiя восем гульняў, каб выйграць самы ганаровы трафей лiгi — кубак Стэнлi. У пачатку першай гульнi хтосьцi з балельшчыкаў кiнуў васьмiнога на лёд — адну нагу за кожную гульню — i Rеd Wings сталi чэмпiёнамi.

У штатах Нью-Джэрсi i Арэгон людзi не могуць самастойна залiваць бензiн у бензабак — iм павiнен дапамагчы работнiк АЗС

Прычына: закон быў прыняты вельмi даўно, калi многiя людзi (асаблiва сталыя) не ведалi элементарных рэчаў, напрыклад, аб тым, што бензiн выбухованебяспечны i ў час запраўкi лепш не курыць. Уладальнiкi АЗС баялiся, што iх клiенты могуць падарваць заправачную станцыю.

У штаце Паўночная Каралiна грамадскiм арганiзацыям забаронена сустракацца, калi iх члены апранутыя ў аднолькавыя касцюмы

Прычына: закон быў прыняты, каб прадухiлiць арганiзацыю зборышчаў актывiстаў мясцовага Ку-Клус-Клана, якiя носяць белыя балахоны.

У горадзе Мемфiсе жабракi павiнны атрымаць "лiцэнзiю" ад штата (якая каштуе $10), каб атрымаць права прасiць мiласцiну

Прычына: закон быў прыняты, каб пазбавiцца ад натоўпаў жабракоў, якiя акупавалi турыстычныя славутасцi ў цэнтры горада.

У штаце Тэхас мужчынам забаронена насiць з сабой кусачкi

Прычына: у часы Дзiкага Захаду, жулiкi маглi красцi скацiну, пераразаючы драцяныя загарадзi кусачкамi. Такiя крадзяжы сталi настолькi частымi, што, у вынiку, вырашылi забаранiць самi кусачкi.

У штаце Заходняя Вiрджынiя школьнiкi не могуць наведваць школу, калi ад iх пахне цыбуляй

Прычына: у штаце расце адзiн вiд дзiкай цыбулi, якая мае надзвычай моцны пах. Пах адчуваецца нават праз некалькi дзён пасля яго ўжывання.

У гэтым жа штаце, любая жывёла, збiтая аўтамабiлем, становiцца ўласнасцю вадзiцеля машыны

Прычына: закон быў прыняты, каб зэканомiць грошы на расчыстку дарог. Акрамя таго, пад колы аўтамабiляў часцей за ўсё трапляюць ядомыя аленi.

У штаце Вашынгтон, людзi, якiя прыехалi ў штат з намерам здзейснiць злачынства, павiнны спачатку патэлефанаваць у палiцыю i паведамiць аб наяўнасцi падобных планаў

Прычына: закон быў прыняты — цалкам сур’ёзна — каб паменшыць колькасць злачынстваў. Жыхарам iншых краiн i штатаў, якiя здзейснiлi злачынства ў штаце Вашынгтон, дадаткова iнкрымiнуюць i парушэнне гэтага закона.

Падрыхтаваў Iван Купарвас.