Мы — разам!

Источник материала:

Той жнiвеньскi дзень Аляксандру Краўчанку i Вiктару Кавалёву запомнiцца надоўга. І не тым, што стаяла цудоўнае сонечнае надвор’е, што напярэдаднi iхнi экiпаж намалацiў тысячу тон збожжа (да працоўных перамог яны, механiзатары КСУПа iмя Валадарскага Кармянскага раёна, прывыклi). А тым, што да iх на поле, якраз у абедзенны перапынак, завiталi намеснiк старшынi райвыканкама, начальнiк упраўлення сельскай гаспадаркi i харчавання Вiктар Андрыянаў, старшыня райкама прафсаюза работнiкаў АПК Людмiла Шатлiкава, дырэктар гаспадаркi Андрэй Семiлетаў. А следам за iмi сюды прыкацiў незвычайны аўтобус. З шарамi i плакатам, на якiм было напiсана: "Мы — разам!". Адтуль у адзiн момант высыпалi хлопчыкi i дзяўчаткi, выхаванцы дзiцячага садка. Дашкольнiкi адразу ўзялiся за справу. Уручылi камбайнерам букеты кветак, наладзiлi канцэрт...

Гутарым са старшынёй Гомельскай абласной арганiзацыi Беларускага прафсаюза работнiкаў аграпрамысловага комплексу Мiкалаем Садчанкам, i ён падкрэслiвае, што ўпершыню за апошнiя гады Гомельшчына сабрала больш як мiльён тон збожжа, i да гэтай пакуль што рэкорднай яе мяжы дабiралася доўга. Аб чым, дарэчы, сведчыць i колькасць экiпажаў-тысячнiкаў. Калi да 2004—2006 гадоў iх было па 65—70, то летась ужо 110, а сёлета — у тры разы болей.

Толькi арганiзацыя, якую ўзначальвае Мiкалай Садчанка, выдзелiла на заахвочванне перадавiкоў жнiва звыш ста мiльёнаў рублёў. А гэтай жа справай займалiся яшчэ i райкамы работнiкаў прафсаюза АПК, i пярвiчныя арганiзацыi ў КСУПе i СВК. А ўзяць маральныя стымулы — пiсьмы з падзякай, i "маланкi", уручэнне фотаздымкаў, расказы i рэпартажы ва ўсiх сродках масавай iнфармацыi, уручэнне падарункаў, грамат, дыпломаў, прывiтальных адрасоў...