Цi можа малады спецыялiст пераразмеркавацца?

Источник материала:

Справа ў тым, што ў Палажэннi аб размеркаваннi выпускнiкоў устаноў адукацыi, якiя атрымалi прафесiйна-тэхнiчную, сярэднюю спецыяльную i вышэйшую адукацыю, зацверджанай пастановай Урада ад 10 снежня 2007 года, не прапiсаны абавязак наймальнiка забяспечваць маладога спецыялiста жыллём. "Маладым спецыялiстам, якiя прыбылi на працу па размеркаваннi, мясцовыя выканаўчыя i распарадчыя органы, а таксама арганiзацыi, якiя запрасiлi на работу маладога спецыялiста, пры недастатковасцi ўласнага жыллёвага фонду могуць, але на абавязаныя выдзяляць сродкi для кампенсацыi выдаткаў па найме жылля", — патлумачыў намеснiк старшынi ЦК Беларускага прафсаюза работнiкаў адукацыi i навукi Раман Дапiра.

Згодна з Палажэннем аб размеркаваннi, права на пераразмеркаванне маюць усе катэгорыi, якiя карыстаюцца прэферэнцыямi пры размеркаваннi: гэта iнвалiды, маладыя людзi, якiя маюць хворых бацькоў-iнвалiдаў цi мужа (жонку)-iнвалiда I i II групы, сямейныя людзi, якiя выхоўваюць дзяцей ва ўзросце да трох гадоў, цяжарныя жанчыны i г.д., калi дадзеныя абставiны з’явiлiся ўжо пасля размеркавання. Падставай для пераразмеркавання можа стаць таксама адмова наймальнiка ў прыёме на работу маладому спецыялiсту, накiраванаму ў адпаведнасцi з заяўкай гэтага наймальнiка, а таксама немагчымасць прадаставiць месца работы ў адпаведнасцi з атрыманай спецыяльнасцю i прысвоенай квалiфiкацыяй пасля завяршэння службы ў войску. Напрыклад, малады спецыялiст быў прызваны ў войска яшчэ да таго, як паспеў прыступiць да працы паводле размеркавання. Або пасля службы ва Ўзброеных Сiлах хоча прадоўжыць працаваць па месцы свайго размеркавання, а яму там не могуць прадаставiць працоўнае месца ў адпаведнасцi з атрыманай спецыяльнасцю i квалiфiкацыяй. Ён таксама мае права на пераразмеркаванне. Прынамсi, калi выпускнiк быў прызваны на службу ў армiю, то час, на працягу якога ён абараняе Айчыну, залiчваецца яму ў тэрмiн работы па размеркаваннi. I калi пасля службы хлопец збiраецца вярнуцца працаваць паводле свайго размеркавання, ён абавязаны пiсьмова за два месяцы да заканчэння тэрмiну службы папярэдзiць аб гэтым наймальнiка. Заўважым таксама, што ў тэрмiн работы па размеркаваннi ўключаецца i перыяд знаходжання пасля заканчэння ўстановы адукацыi ў адпачынку па доглядзе немаўляцi.

Да таго ж маладыя спецыялiсты могуць звярнуцца ў камiсiю па размеркаваннi з просьбай аб пераразмеркаваннi, калi наймальнiк пастаянна затрымлiвае iм выплату заработнай платы. Згодна з Палажэннем, парушэннi наймальнiкам працоўнага заканадаўства, калектыўнага цi працоўнага дагавора з’яўляюцца падставай для скасавання па патрабаваннi работнiка працоўнага дагавора i наступнага пераразмеркавання. Прычынай для пераразмеркавання можа быць таксама i хвароба, якая з’яўляецца супрацьпаказаннем да работы па атрыманай прафесii цi не дазваляе працаваць у прапанаваных умовах.

Да таго ж у Палажэннi ёсць пункт, у якiм агаворваецца магчымасць пераводу маладога спецыялiста з яго згоды ад аднаго наймальнiка да iншага. Заўважым толькi, што наймальнiк зусiм не абавязаны вас адпускаць, як i камiсiя не абавязана вас пераразмяркоўваць. Гэта iх права, а не абавязак. Але маладыя спецыялiсты могуць прымаць меры, якiя будуць спрыяць iх больш рацыянальнаму працаўладкаванню. Галоўнае — пераканаць у гэтым свайго наймальнiка i камiсiю па размеркаваннi.

Установы адукацыi маюць права вырашаць пытаннi пераразмеркавання маладых спецыялiстаў на працягу аднаго года пасля атрымання прафесiйна-тэхнiчнай адукацыi, двух гадоў — пасля атрымання сярэдняй спецыяльнай i вышэйшай адукацыi i двух гадоў — пасля праходжання стажыроўкi (iнтэрнатуры) выпускнiкамi медыцынскiх ВНУ. Для разгляду пытання аб пераразмеркаваннi маладому спецыялiсту трэба звярнуцца ва ўстанову адукацыi, якая накiравала яго на работу.