Унiтарныя прадпрыемствы БелГПП уключаны ў пералiк арганiзацый, якiя ажыццяўляюць ацэнку кошту дзяржм

Источник материала:

Унiтарныя прадпрыемствы Беларускай гандлёва-прамысловай палаты ўключаны ў пералiк арганiзацый, якiя ажыццяўляюць ацэнку кошту дзяржаўнай маёмасцi для правядзення з ёю здзелак i (або) iншых юрыдычных дзеянняў. Аб гэтым гаворыцца ва Указе № 543 "Аб унясеннi дапаўненняў i змяненняў ва Указ Прэзiдэнта Рэспублiкi Беларусь ад 13 кастрычнiка 2006 г. № 615", якi 6 кастрычнiка падпiсаў кiраўнiк дзяржавы Аляксандр Лукашэнка.

"Гэта дае магчымасць аператыўна i з мiнiмальнымi затратамi ажыццяўляць паслугi па ацэнцы кошту маёмасцi па заказах дзяржаўных прадпрыемстваў i арганiзацый", — растлумачылi карэспандэнту БЕЛТА ў прэс-службе беларускага лiдара.

У цэлым дакумент накiраваны на ўдасканаленне адносiнаў у сферы ацэначнай дзейнасцi ў Беларусi. Для стварэння адзiнага прававога механiзма вызначэння кошту аб’ектаў грамадзянскiх правоў як ацэншчыкамi, так i судовымi экспертамi Палажэнне аб ацэнцы кошту аб’ектаў грамадзянскiх правоў у Рэспублiцы Беларусь, зацверджанае ўказам № 615, дапоўнена нормай, згодна з якой ацэнка кошту гэтых аб’ектаў ажыццяўляецца ў адпаведнасцi з тэхнiчнымi i iншымi нарматыўнымi прававымi актамi, абавязковымi для прымянення ацэншчыкамi i судовымi экспертамi. Для ўрэгулявання пытанняў, звязаных з ацэнкай маёмасцi, якая павiнна паступiць уласнiку ў будучым, названае палажэнне дапоўнена нормай аб замацаваннi за юрыдычнымi i фiзiчнымi асобамi права правядзення ўнутранай ацэнкi такой маёмасцi. Указ уступае ў сiлу з першага чысла месяца, што iдзе за месяцам яго афiцыйнага апублiкавання.