Прадпрымальнікi ў невялiкiх гарадах атрымаюць падатковыя льготы

Источник материала:

У прыватнасцi, дзеянне Дэкрэта № 1 не будзе распаўсюджвацца на Баранавiчы, Брэст, Пiнск (Брэсцкая вобл.), Вiцебск, Наваполацк, Оршу, Полацк (Вiцебская вобл.), Гомель, Жлобiн, Мазыр, Рэчыцу, Светлагорск (Гомельская вобл.), Гродна i Лiду (Гродзенская вобл.), Барысаў, Жодзiна, Маладзечна, Слуцк i Салiгорск (Мiнская вобл.), Бабруйск i Магiлёў (Магiлёўская вобл.), а таксама Мiнск. У гэтых гарадах колькасць насельнiцтва перасягае 50 тыс. чалавек. Ва ўсiх астатнiх населеных пунктах Беларусi прадпрымальнiкi змогуць выкарыстаць падатковыя прэферэнцыi, што дасць магчымасць актывiзаваць дзелавую актыўнасць, падкрэслiлi ў Мiн-эканомiкi.

Спецыялiсты таксама адзначылi, што ў пералiк не ўключаны горад Кобрын, нягледзячы на колькасць насельнiцтва 50,5 тыс. чалавек (на 1 студзеня 2008 года), таму што ўзровень беспрацоўя тут амаль у 2 разы перасягае сярэднi па Брэсцкай вобласцi (адпаведна 2,1 працэнта i 1,2 працэнта). Прымяненне нормаў Дэкрэта № 1 павысiць iнвестыцыйную прывабнасць дзейнасцi камерцыйных арганiзацый у гэтым горадзе, што дасць магчымасць стварыць дадатковыя рабочыя месцы.

Таксама не ўвайшоў у пералiк Слонiм, дзе па стану на 1 студзеня 2008 года налiчвалася 50,9 тыс. чалавек. Зробленае выключэнне абумоўлена тым, што горад уключаны як праблемны ў пералiк малых i сярэднiх гарадскiх паселiшчаў у адпаведнасцi з указам № 265 ад 7 чэрвеня 2007 года "Аб Дзяржаўнай комплекснай праграме развiцця рэгiёнаў, малых i сярэднiх гарадскiх паселiшчаў на 2007—2010 гады".