Купі сваё — жывi лепш!

Источник материала:

"Па суадносiнах цана — якасць некаторыя нашы тавары пераўзыходзяць iмпартныя"

— Як я ўжо выказваўся на старонках "Звязды" — беларускаму мастацтву: нашы артысты нiчым не горшыя, а часта нават лепшыя за "гастралёраў", — упэўнены пенсiянер з вёскi Раванiчы Чэрвеньскага раёна Іван Паўлавiч Уласавец. — Асабiста я люблю балет, у прыватнасцi, "Лебядзiнае возера", "Шчаўкунчык". Люблю тэатр iмя Янкi Купалы, яго пастаноўкi "Паўлiнка", "Афрыка". Падабаецца мне i наш цырк, заўсёды з задавальненнем наведваю яго.

— I вельмi iм задаволена. Як i айчыннай мэбляй. Вось нядаўна якраз звяртала ўвагу ў магазiне на мяккiя куткi, прыхожыя, шафы — вельмi нядрэнна, многае спадабалася. Нам, дарэчы, да канца года трэба набыць мэблю i для сельскага Савета. Зразумела, будзем выбiраць айчыннае, — гаворыць суразмоўца.

— Я вельмi задаволены крэмам для галення з серыi "Фармэн" ад "Белiты", — падзялiўся з намi начальнiк аддзела па продажы завода "Крышталь" Аляксандр Мiхайлавiч Бутрым. — А гель-душ падыходзiць i для мужчын, i для жанчын. Дарэчы, часам чую, як жонка абмяркоўвае з сяброўкамi айчынную касметыку, маўляў, крыху дарагавата, затое якасць якая...

Сям’i суразмоўцы падабаецца ўвесь спектр малочнай прадукцыi ад "Савушкiна прадукта", цукеркi — ад "Камунаркi", кандытарскiя вырабы — ад "Чырвонага харчавiка", хлебабулачныя вырабы — ад прадпрыемстваў "Мiнскхлебапрама". Пра алкаголь i гаварыць не варта, вядома, любiмы брэнд — "Крышталь".

— Калi набываем абутак дачцэ, звяртаем увагу на "Марко", яшчэ для дзяцей якасныя рэчы прапануе "Маруся", — гаворыць Аляксандр Мiхайлавiч. — Калi выбiраць швейныя вырабы, дык адназначна ад "Элiз" Дзяржынскай фабрыкi, бялiзну — ад фiрмы "Серж". Добры посуд i прадметы для iнтэр’еру вырабляе шклозавод "Нёман", неблагую мэблю, асаблiва з натуральнай скуры — "Пiнскдрэў". Гэта не толькi маё асабiстае меркаванне, але i думкi маiх знаёмых, сяброў. Ведаеце, па шматлiкiх групах тавараў — па суадносiнах цана — якасць нашы вытворцы, упэўнены, ужо даўно перасягаюць iмпартныя рэчы.

А намеснiк старшынi Ельскага райвыканкама Iван Васiльевiч Казак мала таго, што адназначна падтрымлiвае айчыннага вытворцу, дык яшчэ аказаўся i адданым прыхiльнiкам прадукцыi найперш мясцовых прадпрыемстваў.

— Хлеб наш ельскi, з кiслiнкай, вельмi смачны, асаблiва з баршчом! Малочная прадукцыя ад Мазырскага завода, тая ж смятана, лепшая за "Савушкiн прадукт"! Садавiну-агароднiну набываю толькi ад мясцовых гаспадарак. Хiба толькi акрамя цытрусавых, бо не растуць пакуль у нас яны (смяецца). Бо дакладна ведаю, як тая морква, буракi, капуста вырашчана — дзе, з якiмi ўгнаеннямi. I кантралюючым органам нашым цалкам давяраю, таму не баюся спажываць гэтую прадукцыю. А ў цэлым я вам скажу так: за апошнiя пяць гадоў з пункту гледжання на якасць нашы айчынныя тавары палепшылiся на парадак.

Зараз Iван Васiльевiч займаецца рамонтам, таму з веданнем справы даў ацэнку рынку будаўнiчых матэрыялаў.

— Няма лепшага цвiка, чым ад Рэчыцкага метызнага завода. Вось шкло набываў ад Гомельскага шклозавода — нядрэнная якасць. Мяккую дахоўку браў ад Асiповiцкага завода дахавых матэрыялаў. Высокая якасць! Аналагiчная прадукцыя з Расii i Кiтая, магчыма, некалькi менш каштуе, але я ўпэўнены ў сваёй. Дарэчы, датычыцца ўсяго беларускага — тут табе i гарантыя, i калi што — абмяняць можна. У Кiтай жа прэтэнзiю не адправiш, праўда? — паразважаў Iван Васiльевiч.

А напрыканцы дадаў, што касцюмы носiць ад гомельскага "Камiнтэрна". I калi бывае ў гэтым горадзе ў камандзiроўцы, абавязкова наведвае фiрменны магазiн прадпрыемства. Падабаюцца яму i фасон, i крой гэтай прадукцыi.