Гранічныя адпускныя цэны на хлеб да канца года будуць павялiчвацца штомесяц на 2 працэнты

Источник материала:

У Беларусi гранiчныя адпускныя цэны на хлеб i хлебабулачныя вырабы да канца года будуць павялiчвацца штомесяц на 2 працэнты, на малако, кефiр, смятану, тварог — на 2,5 працэнта. Такое рашэнне змешчана ў пастанове Мiнiстэрства эканомiкi № 119. Павелiчэнне гранiчных адпускных цэнаў iнiцыявана Мiнiстэрствам сельскай гаспадаркi i харчавання.

Акрамя таго, гранiчныя адпускныя цэны на ялавiчыну, свiнiну тушамi ў кастрычнiку былi павялiчаны на 5 працэнтаў, у лiстападзе будуць павялiчаны на 4 працэнты.

"Павелiчэнне фармiруемых арганiзацыямi-вытворцамi адпускных цэнаў на канкрэтныя назвы малака, кефiру, смятаны i тварагу, ялавiчыны i свiнiны, хлеба i хлебабулачных вырабаў можа праводзiцца не вышэй за гэтыя памеры", — гаворыцца ў пастанове Мiн- эканомiкi.

Як паведамiлi карэспандэнту БЕЛТА ў галоўным упраўленнi эканомiкi Мiнсельгасхарча, павелiчэнне гранiчных адпускных цэнаў на названую прадукцыю адбылося пасля павышэння закупачных цэнаў на збожжа i жывёлагадоўчую прадукцыю. Павелiчэнне гранiчных адпускных цэнаў абумоўлена падаражэннем кошту сельгассыравiны, ростам цэнаў на выкарыстоўваемыя палiўна-энергетычныя i матэрыяльныя рэсурсы, а таксама звязана са стратнасцю i нiзкай рэнтабельнасцю вытворчасцi сацыяльна значных харчовых тавараў.