Узаемаадносіны Беларусi i Расii знаходзяцца на парозе новага этапа развiцця

Источник материала:

Аляксандр Лукашэнка адзначыў, што цяпер iдзе падрыхтоўка да пасяджэння Вышэйшага Дзяржаўнага Савета Саюзнай дзяржавы, на якiм будуць падведзены вынiкi зробленага i намечаны перспектывы на аглядную будучыню. "Як старшыня вышэйшага органа Саюзнай дзяржавы, заяўляю: гэта будзе асаблiвая сустрэча", — падкрэслiў Прэзiдэнт Беларусi.

Паводле яго слоў, на маючым адбыцца пасяджэннi ВДС будуць падпiсаны важныя дакументы, накiраваныя на ўмацаванне стратэгiчнага супрацоўнiцтва Беларусi i Расii.

Паводле ацэнкi кiраўнiка дзяржавы, у Беларусi склалiся трывалыя эканамiчныя сувязi з Саратаўскай вобласцю. Пацвярджэнне таго — паказчык узаемнага тавараабароту, якi за 9 месяцаў гэтага года дасягнуў $162 млн i перасягнуў у 2,5 раза аналагiчны паказчык мiнулага года.

Саратаўская вобласць — рэгiён Расii, якi дынамiчна развiваецца i спажывае розныя тавары з Беларусi. Цяпер у беларускiм экспарце большая частка прыпадае на прадукты харчавання, машыны для ўборкi або абмалоту сельскагаспадарчых культур, паветраныя помпы, лiфты. З Саратаўскай вобласцi пастаўляюцца такiя важныя для беларускай эканомiкi рэсурсы, як нафта, прадукты неарганiчнай хiмii, мiнеральныя ўгнаеннi.

Адзiн з важных напрамкаў супрацоўнiцтва з Саратаўскай вобласцю — вывучэнне расiйскага вопыту будаўнiцтва атамных электрастанцый. "Мы хочам вучыцца ў вас гэтаму новаму для Беларусi напрамку дзейнасцi. Таму мы хацелi б, каб вы аказалi нам садзейнiчанне ў плане падрыхтоўкi i абмену кадрамi для эксплуатацыi АЭС, якая будзе будавацца ў Беларусi", — сказаў Аляксандр Лукашэнка.

У сваю чаргу Павел Iпатаў пацвердзiў гатоўнасць Саратаўскай вобласцi аказаць садзейнiчанне Беларусi ў падрыхтоўцы кадраў, накiраваць сваiх спецыялiстаў па вузкiх спецыяльнасцях, неабходных для будаўнiцтва АЭС, а таксама падзялiцца вопытам стварэння iнфармацыйнага цэнтра для прадастаўлення насельнiцтву аб’ектыўнай i вычарпальнай iнфармацыi наконт будучай атамнай электрастанцыi.

"У нас ужо дасягнуты дамоўленасцi па асобных прадпрыемствах, плюс яшчэ адносна некаторых мы бачым добрыя перспектывы. Галiны, што цiкавяць нас, — высокiя тэхналогii, камунальны транспарт, аўтамабiле- i машынабудаванне. Беларусь дарэмна часу не марнавала i змагла стварыць новыя, якасныя ўзоры сельскагаспадарчай тэхнiкi. Беларуская прадукцыя вызначаецца тым, што з’яўляецца аптымальнай па суадносiнах цана-якасць", — дадаў ён.

Губернатар Саратаўскай вобласцi адзначыў, што ў яго засталiся самыя добрыя ўражаннi ад знаёмства з новымi мадэлямi беларускага электратранспарту — трамваямi i тралейбусамi. "Мы гатовы разгледзець магчымасць зборкi трамваяў у Саратаўскай вобласцi. Па сельгастэхнiцы вядзём перагаворы — думаю, дамовiмся", — сказаў ён.

У прыватнасцi, прадстаўнiкi дэлегацыi высока ацанiлi практыку стварэння ў Беларусi аграгарадкоў.

"У Беларусi людзi зарабляюць сваёй працай, што вельмi важна, а не за кошт продажу прыродных багаццяў, — сказаў Павел Iпатаў. — Дзякуй, Аляксандр Рыгоравiч, за вялiкую ўвагу да супрацоўнiцтва з рэгiёнамi Расii...".