Главная
Гороскопы
Бывайце, "камкі"...
Бывайце, "камкі"...
З шэрагу сталiчных камерцыйных кiёскаў тытунёвыя вырабы пакрысе пачалi знiкаць яшчэ на пачатку месяца. Зараз у многiх з iх выбар стаў зусiм мiзэрным — у асартыменце прысутнiчаюць часам хiба цыгарэты Гродзенскай фабрыкi. З продажу знiклi найперш тытунёвыя вырабы сярэдняга цэнавага сегменту — "Магна", "Монтэ-Карла", "Вiнстан" i iнш. Праблемы з пастаўкамi, квотамi — як ужо было некалькi разоў раней? — Гэта не так, нiякiх праблем тут няма, — патлумачыла выконваючая абавязкi начальнiка аддзела бакалейных тавараў Галоўнага ўпраўлення спажывецкага рынку Мiнгарвыканкама Наталля Дашкевiч. — Гродзенская тытунёвая фабрыка прапануе 36 найменняў тытунёвых вырабаў, "Тытунь-iнвест" — больш за 20 найменняў тытунёвых вырабаў. Плацi грошы i бяры. Паводле слоў суразмоўцы, уладальнiкi камерцыйных кiёскаў самi не прадпрымаюць нiчога для таго, каб папоўнiць асартымент, прычым не толькi тытунёвых вырабаў, але i iншых тавараў. Прычына ў тым, што, згодна з раней зацверджаным планам (мы пра яго пiсалi ўжо), да канца года камерцыйныя кiёскi павiнны цалкам знiкнуць з вулiц сталiцы. — Гэты план увасабляецца ў жыццё паэтапна ў кожным мiкрараёне горада. І калi недзе камерцыйны кiёск трэба будзе знесцi праз некалькi дзён, якi сэнс яго ўладальнiку завозiць новую партыю тавару? Паспець бы распрадаць тое, што засталося, — сказала Наталля Мiкалаеўна. — А калi ў некага ў запасе яшчэ каля месяца, той уладальнiк, бясспрэчна, мае цяпер большы асартымент i выбар тавараў. Сяргей РАСОЛЬКА.
Чтобы разместить новость на сайте или в блоге скопируйте код:
На вашем ресурсе это будет выглядеть так
З шэрагу сталiчных камерцыйных кiёскаў тытунёвыя вырабы пакрысе пачалi знiкаць яшчэ на пачатку месяца. Зараз у многiх з iх выбар стаў зусiм мiзэрным — |
|