Будаваць інавацыйную эканомiку

Источник материала:

"Чым больш у нас будзе экспартаарыентаваных вытворчасцяў, чым больш у нас будзе iмпартазамяшчэння, тым больш устойлiвай будзе беларуская эканомiка. Нават ва ўмовах фiнансавага крызiсу", — такую думку выказаў прэм’ер-мiнiстр Беларусi Сяргей Сiдорскi ў Гомелi, дзе адкрыў новую лiнiю па вытворчасцi мiнералаватных вырабаў на аснове базальтавага валакна.

Першая такая лiнiя на прадпрыемстве "Гомельбудматэрыялы" была ўведзена ў 2005 годзе. Асноўная прадукцыя — цеплаiзаляцыйныя плiты — карыстаецца вялiкiм попытам у спажыўцоў будаўнiчай галiны як у Беларусi, так i за яе межамi. Менавiта таму было прынята рашэнне аб ўводзе аналагiчнай. Яе зманцiравалi за 8 месяцаў замест нарматыўных 18. Будаўнiцтва новай лiнii асабiста курыраваў прэм’ер-мiнiстр. Магутнасць лiнii складае 264 тыс. куб.м мiнералаватных плiт у год.

Увод у эксплуатацыю новай лiнii дазволiць у поўным аб’ёме забяспечыць будаўнiчую галiну рэспублiкi сучаснымi цеплаiзаляцыйнымi матэрыяламi, а таксама пастаўляць частку прадукцыi на экспарт. "Калi такiмi тэмпамi мы будзем будаваць нашу iнавацыйную эканомiку, любы крызiс нам не страшны. Галоўнае — рабiць новую канкурэнтаздольную прадукцыю на энергазберагальных эфектыўных лiнiях сусветнага ўзроўню", — адзначыў прэм’ер-мiнiстр Беларусi Сяргей Сiдорскi.

Кiраўнiк Урада таксама прыняў удзел ва ўрачыстасцях, прысвечаных 55-годдзю Беларускага дзяржаўнага ўнiверсiтэта транспарту, якi сам закончыў у 1976 годзе. Што датычыцца перспектыў развiцця сiстэмы вышэйшай адукацыi, Сяргей Сiдорскi лiчыць, што асаблiвую ўвагу трэба надаваць развiццю тэхнiчнай базы ВНУ. "Будучы iнжынер павiнен умець працаваць на самым сучасным абсталяваннi, якое ёсць на беларускiх прадпрыемствах", — падкрэслiў прэм’ер-мiнiстр Беларусi.