Хрысцiянам Беларусi, якiя святкуюць Нараджэнне Хрыстова 25 снежня

Источник материала:

Гэта радаснае сямейнае свята, сагрэтае запаветамi любовi i згоды, дорыць мiльёнам людзей веру i надзею. Цiхая калядная ноч, азораная святлом Вiфлеемскай зоркi, дапамагае стаць блiжэй адно да аднаго, забыць крыўды i адкрыць сэрцы насустрач дабрынi.

У такiя ўрачыстыя днi асаблiва пранiклiва адчуваецца непарушнасць вечных евангельскiх iсцiн, простых i вялiкiх адначасова. Бо ў наша складанае i супярэчлiвае стагоддзе чалавецтву неабходныя высокiя iдэалы справядлiвасцi, самаахвярнасцi i мiласэрнасцi, якiя хрысцiянства нясе ў свет вось ужо больш як дзве тысячы гадоў.

Няхай жыватворчая атмасфера Нараджэння Хрыстова заўсёды пануе ў вашых дамах, дапамагае захоўваць самыя галоўныя скарбы — душэўны спакой i добрае самаадчуванне дзяцей i блiзкiх, узаемаразуменне, сяброўства i вернасць, уменне дараваць i цанiць жыццё.

Жадаю вам, дарагiя суайчыннiкi, моцнага здароўя, поспехаў ва ўсiх справах i пачынаннях, вялiкага шчасця i цудоўнага настрою.