Прэзідэнт Беларусi ўручыў дзяржузнагароды

Источник материала:

"Да ўзнагарод кожны iшоў сваiм шляхам. Але ўсiх узнагароджаных аб’ядноўвае тое, што сваю плённую працу i энергiю, талент i iнтэлект яны аддаюць на карысць Беларусi, на ўмацаванне яе эканамiчнага, навуковага i духоўнага патэнцыялу, забеспячэнне абараназдольнасцi i бяспекi. Яны садзейнiчаюць умацаванню прэстыжу i iмiджу Беларусi, таму, каб наша краiна займала дастойнае месца ў свеце", — сказаў Аляксандр Лукашэнка.

Сярод арганiзацый рэальнага сектара эканомiкi кiраўнiк дзяржавы асаблiва адзначыў працу калектыву ВА "Беларуськалiй", бо экспарт угнаенняў — адна з найважнейшых крынiц валютных паступленняў, i ў 2008 годзе ён дасягнуў рэкордных паказчыкаў.

Прэзiдэнт адзначыў вялiкую ролю культуры i мастацтва, вышэйшай i сярэдняй школы, сродкаў масавай iнфармацыi ў развiццi нашага грамадства. "Усё значнае i каштоўнае, што ствараецца ў духоўнай i сацыяльнай сферах, знаходзiць падтрымку i заахвочванне з боку дзяржавы. Цяперашнiя ўзнагароды — добрае таму пацвярджэнне", — сказаў Аляксандр Лукашэнка.

У лiку ўзнагароджаных — генеральны дырэктар Беларускага тэлеграфнага агенцтва Дзмiтрый Жук, рэдактар аддзела БЕЛТА Лiлiя Крапiвiна, першы намеснiк Нацыянальнай дзяржаўнай тэлерадыёкампанii Аляксандр Саламаха, мастацкi кiраўнiк Белдзяржфiлармонii Юрый Гiльдзюк, вядучы майстар сцэны Брэсцкага тэатра драмы i музыкi Мiхаiл Мятлiцкi.

Аляксандр Лукашэнка ўручыў ордэн Воiнскай Славы мiнiстру абароны Леанiду Мальцаву.

Сярод узнагароджаных ёсць i супрацоўнiкi органаў дзяржаўнага кiравання розных узроўняў, былыя i цяперашнiя дэпутаты парламента, банкiры...