Сiстэма вiдэафiксацыi дысцыплiнуе вадзiцеля?

Источник материала:

Па тлумачэннi я звярнулася да намеснiка начальнiка спецыяльнага падраздзялення ДПС "Страла" па тэхнiчнай частцы МУС Беларусi Мiкалая IГНАТОВIЧА.

— Кантраляваць становiшча на дарогах дапамагаюць мабiльныя i стацыянарныя сiстэмы вiдэафiксацыi. Мы выкарыстоўваем два вiды мабiльных вiдэафiксатараў.

Першы — вымяральнiк хуткасцi руху "Iскра" з вiдэапрыстаўкай "Кадр-1". Гэты прыбор фiксуе хуткасць машыны, якая рухаецца з перавышэннем вызначанага хуткаснага парога. У вiдэапрыстаўцы аўтаматычна захоўваецца службовая iнфармацыя: дата, час, выява аўтамабiля, максiмальна дапушчальная хуткасць i рэальная хуткасць руху аўтамабiля.

Другi — фiксатар парушэнняў правiлаў дарожнага руху "Вiзiр". Ён, у адрозненне ад "Iскры", працуе не толькi як хуткамер, але i як фiксатар парушэнняў ПДР. На iм усталявана добрая фота-вiдэакмера, якая дазваляе зафiксаваць няправiльны праезд перакрыжавання, абгон, праезд на чырвоны сiгнал святлафора. Радар "Вiзiра" дазваляе фiксаваць парушэнне хуткасцi ў стацыянарным i патрульным рэжыме на адлегласцi 400 метраў. Пры гэтым аб’ектыў з дзесяцiразовым аптычным павелiчэннем забяспечвае высокую якасць выявы аўтамабiля. "Вiзiр" — цудоўны прыбор i для работы з пешаходамi—парушальнiкамi.

Са стацыянарных сiстэм мы прымяняем прыбор "Арэна". Ён складаецца з корпуса, у якi убудаваныя вiдэакамера i вымяральнiк хуткасцi, ноутбука i дзвюх антэнаў. У "Арэну" можа быць усталявана i спецыяльная праграма для аўтаматычнага распазнавання дзяржаўных рэгiстрацыйных знакаў для далейшай праверкi нумара па мiлiцэйскiх базах звестак.

Ёсць два варыянты яго ўстаноўкi. Першы — прыбор мацуецца да мастоў, эстакадаў, расцяжак, святлафораў. Iнспектар ДПС можа працаваць як у рэжыме рэальнага часу, так i праз нейкi час скачваць iнфармацыю аб парушальнiках хуткасцi на ноутбук i перадаваць яе спецыялiстам.

Другi варыянт — прыбор устанаўлiваецца на спецыяльнай трынозе. Усе транспартныя сродкi, якiя перавысiлi дапушчальную хуткасць, аўтаматычна фатаграфуюцца. Звесткi аб парушэннях перадаюцца па радыёканале на мабiльны пост ДПС, якi знаходзiцца на адлегласцi да паўтара кiламетра ад прыбора ў напрамку руху транспарту. У гэтым выпадку ёсць час для бяспечнага спынення парушальнiка хуткаснага рэжыму.

— У тым выпадку, калi парушальнiк не затрыманы адразу, уладальнiк транспартнага сродку выклiкаецца ў ДАI для правядзення далейшага разбору. У заканадаўстве па пытаннях рэгулявання дарожнага руху суседзi нас абышлi. У Расii з 1 чэрвеня мiнулага года прыняты Закон аб прыцягненнi да адмiнiстрацыйнай адказнасцi ўладальнiка транспартнага сродку нават у тым выпадку, калi не выяўлена асоба, якая здзейснiла парушэнне ПДР. Калi быў факт перадачы транспартнага сродку iншай асобе, якая здзейснiла парушэнне ПДР на яго аўтамабiлi, уладальнiк павiнен "здаць" гэту асобу. У адваротным выпадку адказнасць нясе ён сам. Мы спадзяёмся, што падобная практыка будзе ўведзена i ў нас.

— Пры разборы ДТЗ фотафiксацыя парушэння разглядаецца як дадатковая доказная база. Як "Вiзiр", так i "Арэна" даюць стопрацэнтную магчымасць паказаць кадр з аўтамабiлем, якi рухаецца з парушэннем хуткасных рэжымаў.

Мы плануем i надалей аснашчаць такiмi прыборамi нашы падраздзяленнi па ўсёй краiне. З’яўленне сiстэмы вiдэафiксацыi на дарогах дысцыплiнуе вадзiцеляў.