Беларусь не адыдзе ад шматвектарнай мiралюбiвай знешняй палiтыкi
Беларусь не адыдзе ад шматвектарнай мiралюбiвай знешняй палiтыкi
Беларусь не адыдзе ад шматвектарнай мiралюбiвай знешняй палiтыкi, будзе ўсебакова ўмацоўваць ваенную арганiзацыю дзяржавы, Узброеныя Сiлы з тым, каб паспяхова процiстаяць новым выклiкам i пагрозам. Аб гэтым заявiў Прэзiдэнт Беларусi Аляксандр Лукашэнка 23 лютага на прыёме з нагоды Дня абаронцаў Айчыны i Узброеных Сiлаў. Аляксандр Лукашэнка адзначыў, што гэта свята ўвасабляе вечную каштоўнасць мужнасцi, вернага служэння Радзiме i воiнскага братэрства. "Самаадданасць i гераiзм, праяўленыя ў суровыя гады ваенных бiтваў, абумовiлi глыбокую павагу i давер беларускага народа да людзей у пагонах", — адзначыў Прэзiдэнт Беларусi. — Мы аддаём данiну глыбокай павагi пакаленням пераможцаў, якiя вызвалiлi краiну ад фашызму i ўнеслi велiзарны ўклад у Вялiкую Перамогу. Воiнскi абавязак заўсёды прадугледжваў гатоўнасць да самаахвяравання ў iмя незалежнасцi i працвiтання Радзiмы, асаблiвую адказнасць за яе лёс". Аляксандр Лукашэнка падкрэслiў, што быць дастойнымi наследнiкамi слаўных традыцый у сучасных умовах — значыць надзейна забяспечваць стабiльнасць i бяспеку краiны. Паводле слоў Прэзiдэнта, "прынятыя ў Беларусi прынцыпы дзяржаўнага i сацыяльна-эканамiчнага развiцця, забеспячэння нацыянальнай бяспекi яшчэ раз даказалi сваю эфектыўнасць i пацвердзiлi, што запас трываласцi дзяржавы высокi". Разам з тым трэба ўлiчваць той факт, што абстаноўка вакол нашай краiны не дае падставы для самазаспакоенасцi. Узнiкшы сусветны фiнансава-эканамiчны крызiс абвастрае глабальныя супярэчнасцi i падштурхоўвае пэўныя сiлы да экстрэмальных шляхоў вырашэння праблем. "Дэстабiлiзуючы ўплыў аказваюць пашырэнне геаграфiчнай i функцыянальнай "сфераў адказнасцi" НАТА, размяшчэнне ўздоўж нашых гранiц ваенна-стратэгiчных аб’ектаў, нарошчванне новых вiткоў гонкi ўзбраенняў, пагроза мiжнароднага тэрарызму", — сказаў Аляксандр Лукашэнка. Акрамя таго, у наяўнасцi дэвальвацыя iснуючай мiжнароднай дагаворнай базы ў галiне кантролю над узбраеннямi, знiжэнне эфектыўнасцi механiзмаў мiжнароднай бяспекi. Кiраўнiк дзяржавы падкрэслiў, што неабходна развiваць ваеннае i ваенна-тэхнiчнае супрацоўнiцтва з прыярытэтам умацавання адносiнаў з нашым галоўным стратэгiчным саюзнiкам — Расiйскай Федэрацыяй. Аляксандр Лукашэнка адзначыў, што якасны ўзровень Узброеных Сiлаў павiнен адпавядаць самым высокiм патрабаванням, каб у любых умовах ваенна-палiтычнай i стратэгiчнай абстаноўкi гарантаваць мiр, бяспеку i стабiльнае развiццё краiны. У гэтых умовах аб’ектыўна павышаецца адказнасць усiх кiраўнiкоў органаў дзяржаўнага i ваеннага кiравання, кожнага генерала i афiцэра за забеспячэнне мiрных умоў для стваральнай працы беларускага народа. Прэзiдэнт падкрэслiў, што перад Узброенымi Сiламi, iншымi войскамi i воiнскiмi фармiраваннямi стаяць выключна адказныя задачы. Кiраўнiк беларускай дзяржавы адзначыў, што ў пачатку лютага дадзены новы iмпульс развiццю ваеннага супрацоўнiцтва з Расiйскай Федэрацыяй, iншымi дружалюбнымi дзяржавамi. Прэзiдэнт падкрэслiў, што Беларусь застаецца вернай курсу на будаўнiцтва Саюзнай дзяржавы з Расiяй. Таму найважнейшая задача — далейшае развiццё рэгiянальнай групоўкi войскаў Беларусi i Расii, павышэнне яе магчымасцяў па абароне Саюзнай дзяржавы. Беларусь актыўна супрацоўнiчае з iншымi краiнамi СНД, а таксама Азii i Лацiнскай Амерыкi. Беларусь выступае за цеснае ўзаемадзеянне на аснове раўнапраўя з Еўрасаюзам, АБСЕ, НАТА, i ў гэтым працэсе ёсць пазiтыўныя вынiкi. "Мы нiколi не пацерпiм нiякiх "двайных стандартаў", мы супраць дыктату i спробаў размовы з намi з пазiцыi сiлы", — падкрэслiў Прэзiдэнт. Аляксандр Лукашэнка ўручыў 5 афiцэрам генеральскiя пагоны. Чарговае воiнскае званне генерал-маёра прысвоена палкоўнiкам Вiталю Кiрэеву, Сяргею Канапацкаму, Аляксандру Райко, чарговае спецыяльнае званне генерал-маёра ўнутранай службы — палкоўнiку Валянцiну Карпiцкаму, чарговае спецыяльнае званне генерал-маёра мiлiцыi — палкоўнiку Леанiду Фармагею. Класны чын дзяржаўнага саветнiка юстыцыi трэцяга класа прысвоены Вiктару Конану. У гэты ж дзень Прэзiдэнт усклаў вянок да манумента Перамогi ў Мiнску. Прэс-служба Прэзiдэнта Рэспублiкi Беларусь.
Чтобы разместить новость на сайте или в блоге скопируйте код:
На вашем ресурсе это будет выглядеть так
Беларусь не адыдзе ад шматвектарнай мiралюбiвай знешняй палiтыкi, будзе ўсебакова ўмацоўваць ваенную арганiзацыю дзяржавы, Узброеныя Сiлы з тым, каб п
|
|