Беларусь плануе ў разліках з асноўнымi гандлёвымi партнёрамi перайсцi на выкарыстанне рэзервовых рэг

Источник материала:

У Нацбанку лiчаць, што адной з прычын, па якой сусветная эканомiка аказалася ў крызiсе, стала дамiнаванне адной рэзервовай валюты — долара ЗША. "Мы зрабiлi вывад, што павiнны максiмальна стымуляваць развiццё двухбаковых i шматбаковых адносiнаў за кошт разлiкаў у нацыянальных валютах, за кошт стымулявання прымянення рэзервовых рэгiянальных валют iншых краiн, каб тым самым мiнiмiзаваць страты ад гегемонii адной валюты", — сказаў старшыня праўлення Нацбанка.

У гэтым напрамку паспяхова ўжо зроблены першыя захады. Так, Беларусь заключыла пагадненне з Кiтаем аб фiнансавай здзелцы, па якой атрымала магчымасць доступу да кiтайскiх рэсурсаў у аб’ёме амаль $3 млрд на выключна выгадных для сябе ўмовах. Гэта з’яўляецца асновай для актывiзацыi гандлёва-эканамiчных адносiнаў памiж дзвюма краiнамi, а таксама дасць магчымасць у блiжэйшы час нарасцiць двухбаковы тавараабарот не менш як у 5 разоў. "Гэта той стымул, якi на 10—15 гадоў наперад дае фiнансавае забеспячэнне для развiцця нашай эканомiкi", — адзначыў Пётр Пракаповiч.

Паводле яго слоў, блiзкi да завяршэння перагаворны працэс з Расiйскай Федэрацыяй па выкарыстаннi ва ўзаемаразлiках у якасцi рэзервовай валюты расiйскага рубля. Аналагiчныя перагаворы вядуцца з Украiнай.

Меры, што прымаюцца, — гэта адзiн са спосабаў мiнiмiзацыi наступстваў сусветнага фiнансава-эканамiчнага крызiсу.

Кiраўнiк дзяржавы праiнфармаваны аб вынiках работы банкаўскай сiстэмы краiны з пачатку 2009 года.

Нягледзячы на складаныя знешнiя ўмовы, банкаўскай сiстэме ўдалося захаваць стабiльнасць i забяспечыць выкананне ўсiх паказчыкаў, закладзеных у Асноўных напрамках грашова-крэдытнай палiтыкi на 2009 год.

Курс беларускага рубля з пачатку года да карзiны валют практычна не змянiўся i складае Br959,9 (на 2 студзеня — Br960). Нацыянальны банк Беларусi забяспечыць на працягу 2009 года ваганне курсу беларускага рубля да карзiны валют у межах плюс-мiнус 5 працэнтаў, запэўнiў Пётр Пракаповiч.

Банкаўская сiстэма поўнасцю выконвае задачы па крэдытаваннi рэальнага сектара эканомiкi. Так, у параўнаннi з аналагiчным перыядам 2008 года, яно ўзрасло амаль у 1,7 раза. Павялiчылася крэдытаванне будаўнiцтва жылля як за кошт iльготных крэдытаў (у 1,6 раза), так i на агульных умовах (больш як у 1,7 раза). Пётр Пракаповiч запэўнiў, што Нацбанк i ў далейшым будзе прымаць неабходныя меры для максiмальнага задавальнення патрэбнасцяў у крэдытаваннi рэальнага сектара эканомiкi. Ён таксама дадаў, што будуць зроблены дадатковыя захады, каб у другiм квартале i ў цэлым па 2009 году тэмп крэдытавання жылля быў вышэйшы, чым у папярэднiм годзе.

Прэзiдэнту даложана аб рабоце Нацбанка па нарошчваннi золатавалютных рэзерваў. У складаных сусветных эканамiчных умовах золатавалютныя рэзервы з пачатку года ўдалося нарасцiць амаль на $500 млн.

Эфектыўна працуе плацежная сiстэма краiны (за студзень-люты колькасць плацяжоў павялiчылася больш як у 1,7 раза ў параўнаннi з адпаведным перыядам мiнулага года).

Устойлiвая работа па крэдытаваннi эканомiкi, стабiльнасць нацыянальнай валюты i плацежнай сiстэмы даюць упэўненасць у тым, што Беларусь выйдзе з сусветнага фiнансава-эканамiчнага крызiсу з мiнiмальнымi стратамi i ў максiмальна сцiслыя тэрмiны.