...

Источник материала:

Без экзаменаў на профiльныя спецыяльнасцi ў ВНУ Беларусi сёлета будуць залiчаныя 389 пераможцаў рэспублiканскай алiмпiяды, паведамiў учора на прэс-канферэнцыi наммiнiстра адукацыi краiны К. Фарыно.

У Беларусi штогод адзiн-два чалавекi мяняюць свой пол, расказаў БелТА ўрач-хiрург Рэспублiканскага цэнтра пластычнай i рэканструкцыйнай мiкрахiрургii Алег Стасевiч. У Касцюковiчах мiлiцыя затрымала раней судзiмага мясцовага жыхара, якi падазраецца ў рабаўнiцтве ў дачыненнi да пенсiянеркi. 26-гадовы непрацуючы мясцовы жыхар разам са сваiм знаёмым зайшоў у дом 80-гадовай пенсiянеркi i пад пагрозай нажа скраў у яе кашалёк, у якiм знаходзiлася Br60 тысяч. Пасля гэтага зламыснiк знiк, а яго прыяцель застаўся ў доме i стаў чакаць прыбыцця мiлiцыi, якую выклiкала пацярпелая. Узбуджана крымiнальная справа.

Артснарады часоў апошняй вайны ўчора ранiцай былi выяўлены на прыватным падворку ў Магiлёве. Падчас капання катлавана пад фундамент гаспадар домаўладання па вулiцы Тасава на глыбiнi каля 1 м выявiў скрыню з боепрыпасамi. Ён адразу звярнуўся ў МНС. Сапёры, што прыехалi на месца, выявiлi, што ў скрынi знаходзiлася шэсць 76 мм снарадаў. Небяспечная знаходка знiшчаная на палiгоне.

Галоўная славутасць Парыжа, Эйфелева вежа, зачынiлася для наведвальнiкаў з-за забастоўкi яе работнiкаў. Удзельнiкi акцыi пратэсту не пускаюць на вежу турыстаў, узамен раздаюць iм улёткi, у якiх тлумачаць прычыны адмовы працаваць. Яны патрабуюць прадаставiць больш камфортныя ўмовы для наведвальнiкаў, надаць больш увагi бяспецы турыстаў i супрацоўнiкаў. Акрамя гэтага, працаўнiкi патрабуюць гарантый таго, што нiхто з iх не трапiць пад скарачэнне.

Выратавальны верталёт быў накiраваны ў лес, адкуль былi чутныя рыданнi i ўсхлiпы. Тэлефон службы выратавання набрала жыхарка аднаго з дамоў, што прылягаў да ляснога масiву горада Элмштайн, што ў Заходняй Германii. У лесе нехта стагнаў i ўсхлiпваў. Жанчына вырашыла, што ў лесе кагосьцi падвяргаюць катаванням. Не менш азадачаная была i "ахвяра", калi яго аўтамабiль акружыла палiцыя i прапанавала здацца. Чалавек расказаў палiцэйскiм, што ён адправiўся ў лес, каб спакойна адпачыць, захапiўшы з сабою новую кнiгу, якая была настолькi вясёлай, што ён пачаў рагатаць ва ўвесь голас, ведаючы, што побач нiкога няма. Пасмяялiся i палiцэйскiя : "Мы разумеем, што ўсе лiчаць немца, якi бесклапотна смяецца, чымсьцi незвычайным, мы ўпэўненыя, што так думала i жанчына, якая пазванiла".