Курс беларускага рубля да кошыка замежных валют у ІI квартале будзе вагацца ў межах плюс/мінус 1 пра

Источник материала:

Аляксандру Лукашэнку было даложана аб выкананнi Асноўных напрамкаў грашова-крэдытнай палiтыкi Рэспублiкi Беларусь у студзенi—сакавiку 2009 года i аб рабоце банкаўскай сiстэмы па iх выкананнi па вынiках года. Прэзiдэнт быў праiнфармаваны аб тым, што ў цэлым усе асноўныя паказчыкi грашова-крэдытнай палiтыкi Беларусi на 2009 год выконваюцца ў поўным аб’ёме. Пры гэтым асаблiвая ўвага Нацыянальным банкам удзяляецца паказчыкам, дасягненне якiх неабходна для рэальнага сектара эканомiкi: крэдытаванне, работа плацежнай сiстэмы i стабiльны курс нацыянальнай валюты.

Так, за апошнiя 12 месяцаў (з 1 красавiка 2008 года па 1 красавiка 2009 года) аб’ём выдадзеных банкамi крэдытаў павялiчыўся на 60 працэнтаў. Курс беларускага рубля да кошыка замежных валют утрымлiваецца ў межах 5-працэнтнага калiдора ваганняў, што дапускаюцца на 2009 год. З 2009 года Нацбанк пачаў ажыццяўляць прывязку беларускага рубля да кошыка з трох валют — долара ЗША, еўра, расiйскага рубля. Курс беларускага рубля да кошыка валют склаў Br960 на 1 красавiка, як i на 2 студзеня. Унутры гэтага кошыка на працягу першага квартала адбывалiся ваганнi валют. Так, з пачатку года долар умацоўваўся да еўра да 12 працэнтаў у асобныя перыяды часу, да расiйскага рубля — да 21 працэнта.

Высокiмi тэмпамi ў справаздачным перыядзе развiвалася плацежная сiстэма. За студзень—сакавiк праведзена плацяжоў на суму больш як Br233 трлн, што ў 1,72 раза больш, чым у першым квартале 2008 года. Гэта сведчыць аб высокай актыўнасцi работы беларускiх прадпрыемстваў. Старшыня праўлення Нацбанка запэўнiў кiраўнiка дзяржавы, што i ў другiм квартале ўсе асноўныя паказчыкi грашова-крэдытнай палiтыкi будуць выконвацца. Такiмi ж высокiмi тэмпамi будзе iсцi крэдытаванне рэальнага сектара эканомiкi i насельнiцтва, будзе забяспечвацца стабiльны курс нацыянальнай валюты. "Мы плануем, што ў другiм квартале калiдор вагання курсу беларускага рубля да кошыка замежных валют будзе ўтрымлiвацца ў межах плюс/мiнус 1 працэнт", — сказаў Пётр Пракаповiч.