Распрацаваны дапаможнік па асновах радыёэкалогii

Источник материала:

Гэту кнiгу спецыялiсты называюць унiкальнай. Упершыню ў адным выданнi найбольш поўна ўдалося сабраць iнфармацыю пра iанiзацыйнае выпраменьванне i яго ўздзеянне на органы i клеткi людзей i жывёл, звесткi пра дазiметрычныя велiчынi, бiялагiчныя эфекты... "Асновы радыёэкалогii i бяспечнай жыццядзейнасцi" — менавiта так гучыць назва вучэбнага дапаможнiка, якi чатыры гады распрацоўваўся спецыяльна для сярэднiх школ рэспублiкi.

Папярэднiчала выданню дапаможнiка стварэнне на базе школ i лiцэяў спецыялiзаваных вучэбных класаў (на сёння iх 13), аснашчаных найпрасцейшым радыёметрычным i дазiметрычным абсталяваннем.

— У першую чаргу такiя адмысловыя кабiнеты арганiзаваныя ў школах, размешчаных на тэрыторыях, найбольш забруджаных радыенуклiдамi (Гомельская i Магiлёўская вобласцi), — гаворыць намеснiк начальнiка Дэпартамента па лiквiдацыi наступстваў катастрофы ЧАЭС Мiнiстэрства па надзвычайных сiтуацыях Рэспублiкi Беларусь Мiкалай Цыбулька. — Пры неабходнасцi кожны вучань (калi браць сельскую мясцовасць) можа ўзяць са свайго падворка прадукты харчавання i замераць у iх узровень радыенуклiдаў — наколькi яны адпавядаюць цi не адпавядаюць норме."

Як расказала "Звяздзе" Галiна Раманавец, беларускамоўнае выданне кнiгi пакуль што не плануецца. "Вучэбны дапаможнiк прызначаны ў першую чаргу для настаўнiкаў. Выданне такога кшталту для вучняў iснуе пакуль што толькi для пачатковай школы. Магчыма, пазней, са з’яўленнем дапаможнiка для вучняў сярэдняга i вышэйшага звяна мы разгледзiм пытанне i пра беларускамоўны варыянт кнiгi."

Вучэбны дапаможнiк "Асновы радыёэкалогii i бяспечнай жыццядзейнасцi" створаны пры падтрымцы ЮНЕСКА ў рамках Праграмы СОRЕ — супрацоўнiцтва для рэабiлiтацыi, якая некалькi гадоў рэалiзоўвалася ў Беларусi.

— ЮНЕСКА стала першай спецыялiзаванай установай ААН, якая адгукнулася на заклiк кiраўнiцтва Беларусi аказаць садзейнiчанне па мiнiмiзацыi наступстваў ЧАЭС, — адзначыў Старшыня Нацыянальнага камiтэта Рэспублiкi Беларусь па справах ЮНЕСКА Уладзiмiр Шчасны. — На падрыхтоўку адмысловага дапаможнiка па асновах радыёэкалогii i бяспечнай жыццядзейнасцi была выдаткавана сума ў $ 25 тыс.

Кнiга выдадзеная тыражом у 3,5 тыс экзэмпляраў. Паводле слоў начальнiка аддзела навуковага забеспячэння i мiжнароднага супрацоўнiцтва Дэпартамента МНС Вольгi Лугоўскай, iснуе таксама i электронны варыянт кнiгi, ён з цягам часу будзе размешчаны ў камп’ютарных сетках. Забеспячэнне ж вучэбнымi дапаможнiкамi школ, размешчаных на забруджанай радыенуклiдамi тэрыторыi, плануецца завяршыцьскончыць да канца наступнага месяца.