Главная
Гороскопы
Лясы краіны пад пагрозай пажараў
Лясы краіны пад пагрозай пажараў
Цёплае надвор’е i працяглая адсутнасць дажджоў, а таксама масавы веснавы выезд грамадзян на адпачынак на прыроду паставiлi лясы пад пагрозу пажараў. Па стане на 29 красавiка ў лясным фондзе ўжо зафiксаваныя 574 лясныя пажары, у вынiку якiх пацярпела больш за 1 тысячу гектараў лесу. Прычым, 813 гектараў былi пашкоджаны агнём за апошнiя выхадныя днi — 25-28 красавiка. Асноўная прычына пажараў — парушэнне патрабаванняў пажарнай бяспекi ў лясах. Пасля адпачынку людзi пакiдаюць непатушаныя вогнiшчы, у многiх выпадках агонь перакiдваецца на лес з палеткаў цi дачных участкаў, на якiх выпальвалi сухую раслiннасць. Найбольшая колькасць выпадкаў узгаранняў у лясах адбылася ў паўднёвых абласцях краiны, дзе ўсталявалася больш спякотнае i сухое надвор’е. У прыватнасцi, толькi ў Гомельскай вобласцi за выхадныя днi полымя прайшлося па 660 гектарах лесу. Дзяржаўная лясная ахова Мiнлясгаса працуе ва ўзмоцненым кругласутачным рэжыме. Задзейнiчаны ўсе пажарныя разлiкi i спецыяльная супрацьпажарная тэхнiка, што ёсць у ляснiцтвах. Да тушэння пажараў прыцягваюцца сiлы МНС. Каб папярэдзiць узнiкненне лясных пажараў, арганiзацыi Мiнiстэрства лясной гаспадаркi выходзяць з хадайнiцтвамi ў мясцовыя выканаўчыя i распарадчыя органы аб прыняццi iмi рашэнняў аб забароне знаходжання грамадзян у лясах у перыяд высокай пажарнай небяспекi. Адначасова варта нагадаць, што парушэнне патрабаванняў пажарнай бяспекi ў лясах цi на тарфянiках, што пацягнулi знiшчэнне цi пашкоджанне лесу або тарфянiкаў, цягне накладанне штрафу ў памеры ад 875 тысяч да 1 750 тысяч рублёў. А за распальванне вогнiшчаў у забароненых месцах можна атрымаць папярэджанне цi штраф у памеры да 420 тысяч рублёў. Сяргей РАСОЛЬКА.
Чтобы разместить новость на сайте или в блоге скопируйте код:
На вашем ресурсе это будет выглядеть так
Цёплае надвор’е i працяглая адсутнасць дажджоў, а таксама масавы веснавы выезд грамадзян на адпачынак на прыроду паставiлi лясы пад пагрозу пажараў. П |
|