Для ветэранаў будуць зніжаны гандлёвыя нацэнкі

Источник материала:

Усяго ў сiстэме спажыўкааперацыi працуюць 60 спецыялiзаваных магазiнаў "Ветэран" i "Клопат", арганiзавана каля 2 тыс. фiрменных секцый па абслугоўваннi сельскага пажылога насельнiцтва, у тым лiку ветэранаў. Прадпрыемствы Белкаапсаюза ўзялi на сябе расходы па кампенсацыi затрат на бясплатную дастаўку для ветэранаў вайны буйнагабарытных электрабытавых прыбораў — тэлевiзараў, халадзiльнiкаў, пральных машын, мэблi.

Цяпер праводзiцца акцыя "Час купляць", прымеркаваная таксама да свята 9 Мая. Акцыя праводзiцца ва ўсiх рэгiёнах Беларусi з мэтай папулярызацыi айчыннай прадукцыi i знiжэння складскiх запасаў, паляпшэння гандлёвага абслугоўвання насельнiцтва. Пакупнiкi набываюць высакаякасныя швейныя i трыкатажныя вырабы, абутак, электратавары, мэблю, дывановыя вырабы на 20 працэнтаў танней, чым раней. Вызначаны скiдкi i на некаторыя вiды прадуктаў харчавання: на натуральнамалочную прадукцыю, каўбасныя вырабы, сажалкавую рыбу цэны ў сярэднiм знiжаны на 5-10 працэнтаў.

Раiса Турава адзначыла, што на працягу года ветэранам аказваюцца розныя паслугi: рэалiзуюцца тавары па папярэднiх заказах i ў крэдыт на льготных умовах (без спагнання працэнтаў за карыстанне крэдытам).