Застаўшыся без працы, малады медык аб’явіў галадоўку

Источник материала:

30 июня 2009 Общество
Ядвіга Сташэўская, Еўрапейскае радыё для Беларусі Малады медык Аляксандр Жыткевіч, які працаваў зубным фельчарам у вёсцы Бычыхі Гарадоцкага раёна з сённяшняга дня аб’явіў галадоўку.

Пасля звальнення ён ніяк не мог знайсці працу. Аляксандр Жыткевіч асуджаны да абмежавання волі ды пазбаўлены права займацца медыцынскай дзейнасцю на два гады за незаконнае атрыманне ўзнагароды ад пацыентаў.

Сам фельчар лічыць, што справа супраць яго была сфабрыкаваная з той нагоды, што ён праяўляе грамадскую і палітычную актыўнасць.

Так, Аляксандр Жыткевіч быў незалежным назіральнікам падчас выбарчай кампаніі 2008 года, а потым уступіў у партыю БНФ.

Як расказаў лекар, пасля звальнення з працы ён чатыры разы намагаўся ўладкавацца ў розныя сельгаспрадпрыемствы раёна, прычым быў згодны на любую працу - ад даяра да пастуха. Але сітуацыя паўтаралася - спачатку кіраўнікі згаджаліся, а потым адмаўлялі яму нават тады, калі Аляксандр меў накіраванне з раённага Цэнтра занятасці.

На сённяшні дзень, як паведаміў Аляксандр, ён галадаў бы ў кожным разе, бо грошай на прадукты няма ўжо даўно.