Македонская тэнiсная дружына прыбыла ў Мiнск

Источник материала:

А яе трэнер i капiтан не супраць схадзiць на футбол за кошт гаспадароў

Македонская дружына ўжо прыбыла ў беларускую сталiцу. Капiтан каманды Дэян Марынкавiч прызнаўся, што задаволены прыёмам у Мiнску, i адзначыў, што выдатныя ўмовы правядзення спаборнiцтваў у Беларусi захавалiся з тых нядаўнiх часоў, калi наша каманда выступала i прымала супернiкаў Сусветнай групы. Фаварытам матчу капiтан македонскай каманды лiчыць усё ж беларусаў, якiя выступаюць дома i на не зусiм зручным для македонцаў корце з харт-пакрыццём. Тым не менш, Дэян Марынкавiч лiчыць, што ў Кубку Дэвiса рэйтынг не заўсёды з'яўляецца вызначальным, вялiкую ролю ў гэтых спаборнiцтвах адыгрывае настрой i камандны дух. Каманда Македонii не змяняла склад на працягу некалькiх апошнiх гадоў i выступае даволi ўдала. Сярод поспехаў сваiх падапечных у Кубку Дэвiса капiтан вылучыў перамогi над камандамi Люксембурга i Латвii, у якiх яго тэнiсiсты, у прыватнасцi Лазар Магдзiнчаў (706 у рэйтынгу) перамог супернiкаў з першай сотнi рэйтынгу АТП. З заяўленых гульцоў не прыехаў у Мiнск толькi Прэдраг Русеўскi, у якога ўзнiклi непаразуменнi з македонскай тэнiснай асацыяцыяй.

У параўнаннi з папярэднiм матчам, якi беларусы прайгралi з лiкам 0:5 тэнiсiстам Паўднёва-Афрыканскай Рэспублiкi, у нашай камандзе ёсць кардынальныя змены ў складзе. Уладзiмiр Валчкоў вырашыў адмовiцца ад паслуг Аляксандра Каратчэнi, Сяргея Бетава i Дзмiтрыя Жырманта, гульнёй якiх застаўся незадаволены. Тэнiсiсты, якiя цяпер запрошаныя ў каманду, паводле слоў Уладзiмiра Валчкова, правялi выдатны збор i адказна падышлi да турнiру. Нiводнай гульнi супернiка капiтан нашай каманды не бачыў, затое самi тэнiсiсты македонцаў больш-менш ведаюць. Максiм Мiрны ўзгадаў, што з самым вопытным у македонскай камандзе Лазарам Магдзiнчавым ён трэнiраваўся ў юнацтве ў тэнiснай акадэмii ў ЗША.

Жараб'ёўка матчу Кубка Дэвiса адбудзецца ў чацвер, 9 лiпеня. У гэты дзень, дарэчы, у Мiнску пройдзе футбольны матч памiж сталiчным клубам МТЗ-РIПА i выхадцамi з былой Югаславii "Суцьескай" з Чарнагорыi. У македонскай дружыны журналiсты пацiкавiлiся, цi пойдуць тыя падтрымаць суседзяў, на што капiтан каманды адказаў, што тэнiсiсты будуць трэнiравацца. Але калi беларусы выдзеляць два бiлеты, то капiтан з трэнерам наведаюць стадыён.