Былы намеснiк начальнiка Гаража аператыўнага прызначэння КДБ Беларусi затрыманы па падазрэннi ў экан

Источник материала:

Пра гэта БЕЛТА паведамiлi ў Цэнтры iнфармацыi i грамадскiх сувязяў КДБ Беларусi.

"У цяперашнi час Беларускай ваеннай пракуратурай па вынiках унутранай праверкi, праведзенай упраўленнем уласнай бяспекi КДБ, расследуецца крымiнальная справа ў дачыненнi да былога намеснiка начальнiка аўтатранспартнай дзяржаўнай установы "Гараж аператыўнага прызначэння КДБ Рэспублiкi Беларусь" падпалкоўнiка запасу У.С. па прыкметах злачынства, якое прадугледжана ч. 3. арт. 455 КК Беларусi (злоўжыванне ўладай, перавышэнне ўлады або бяздзейнасць улады)", — паведамiлi ў КДБ.

Вызначана, што ў перыяд службы падазроны, злоўжываючы службовымi паўнамоцтвамi, з асабiстай зацiкаўленасцi i карыслiвасцi неаднаразова iнiцыяваў заключэнне эканамiчна не абгрунтаваных дагавораў з рознымi камерцыйнымi структурамi на пастаўкi транспартных сродкаў i запчастак да iх па завышаных цэнах i неналежнай якасцi. У вынiку злачынных дзеянняў дзяржаве быў нанесены матэрыяльны ўрон у асаблiва буйным памеры. 24 чэрвеня гэтага года ён быў затрыманы i змешчаны ў СІЗА КДБ.

"Палiтычную афарбоўку расследаванню "камерцыйнай" дзейнасцi бацькi спрабуе надаць яго сын Аляксандр. Апелюючы да розных апазiцыйных структур, ён выдае сябе i бацьку за "ахвяраў рэжыму" i распаўсюджвае, у тым лiку на iнтэрнэт-сайтах, iнфармацыю, якая не адпавядае рэчаiснасцi", — адзначылi ў ЦIГС КДБ.

У кастрычнiку 2008 года Аляксандр быў адлiчаны з Акадэмii ФСБ Расii ў сувязi з дысцыплiнарнымi спагнаннямi i акадэмiчнай запазычанасцю. Ён неаднаразова парушаў вайсковую дысцыплiну, адсутнiчаў без уважлiвых прычын на месцы ваеннай службы, практычна ўвесь вольны час праводзiў у iгорных i забаўляльных установах Масквы. У адпаведнасцi з Палажэннем аб парадку праходжання ваеннай службы, зацверджаным Указам Прэзiдэнта Беларусi, Аляксандру належыць вярнуць сродкi, затрачаныя дзяржавай на яго навучанне, у памеры больш за Br25,5 млн.

5 чэрвеня 2009 года судом Першамайскага раёна Мiнска прынята рашэнне аб спагнаннi з былога курсанта названай сумы. "Адлiчэнне з Акадэмii ФСБ Расii, а таксама рашэнне аб грашовым спагнаннi нiяк не звязана з крымiнальнай справай у дачыненнi да яго бацькi", — удакладнiлi ў ЦIГС КДБ.