Белдзяржстрах пачаў ацэнку пашкоджанай лiўнямi ў Мiнску маёмасцi

Источник материала:

РУСП "Белдзяржстрах" пачало ацэнку пашкоджанай у вынiку лiўняў у Мiнску маёмасцi грамадзян. Аб гэтым паведамiў намеснiк генеральнага дырэктара кампанii Вiктар Майсеенка.

Паводле даных на 10.00 28 лiпеня, у кампанiю па фактах страты або пашкоджання маёмасцi ў вынiку пралiўных дажджоў, што прайшлi 23-24 лiпеня ў сталiцы, звярнулася 163 чалавекi. З iх 94 чалавекi напiсалi заявы па факце пашкоджання транспартных сродкаў.

Паводле слоў намеснiка генеральнага дырэктара, грамадзяне могуць прэтэндаваць на страхавую кампенсацыю за маёмасць, страчаную або пашкоджаную ў вынiку лiўня ў Мiнску, пры наяўнасцi дзеючага дагавора добраахвотнага страхавання на гэту маёмасць i (або) калi аб'екты нерухомай маёмасцi застрахаваны па абавязковым страхаваннi пабудоў, што належаць грамадзянам.

Пры надыходзе страхавога выпадку неабходна не пазней як за 3 рабочыя днi з дня страты або пашкоджання маёмасцi паведамiць страхоўшчыку аб прычыненым уроне. Па фактах гiбелi або пашкоджання транспартных сродкаў грамадзянам трэба заявiць у адпаведныя кампетэнтныя органы (ДАІ, МНС). Для кампенсацыi ўрону, прычыненага аўтамабiлям i маёмасцi, у "Белдзяржстрах" неабходна прадаставiць пiсьмовую заяву аб выплаце страхавой кампенсацыi, дакументы, якiя сведчаць аб прыналежнасцi маёмасцi на момант страхавога выпадку, страхавы полiс, а таксама даведку з кампетэнтных органаў (ДАI, мiлiцыi, МНС) у выпадку звароту наконт транспартных сродкаў.

Зыходзячы з практыкi, сярэднi тэрмiн разгляду такiх выпадкаў i ажыццяўлення страхавой выплаты складае 14 рабочых дзён з моманту прадастаўлення ўсiх неабходных дакументаў, дадаў Вiктар Майсеенка.

"Белдзяржстрах" быў заснаваны ў 1921 годзе i стаў дзяржаўнай страхавой кампанiяй пасля таго, як Беларусь стала незалежнай дзяржавай у 1991 годзе. "Белдзяржстрах" мае дзве даччыныя кампанii: "Стравiта" (страхаванне жыцця) i "Палiграф" (палiграфiчны i выдавецкi бiзнэс). На канец трэцяга квартала 2008 года чыстыя актывы Белдзяржстраха складалi Br100 млрд, кампанiя мела сем фiлiялаў, якiя ахоплiваюць усе рэгiянальныя цэнтры краiны, уключаючы Мiнск.