Главная
Гороскопы
Задзел на будучынюЗадзел на будучыню Намеснiк старшынi камiтэта эканомiкi Брэсцкага аблвыканкама Леанiд Мартынюк лiчыць, што з выхадам у свет Дэкрэта Прэзiдэнта № 10 з'явiлiся больш глыбокiя падставы для прадастаўлення прэферэнцый патэнцыяльным iнвестарам у эканомiку нашай краiны. Вiдавочна, што мэтай прыняцця гэтага дакумента было стварэнне дадатковых умоў для прыцягвання iнвестыцый. Гэта вынiкае са зместу дакумента. Што ў першую чаргу цiкавiць дзелавога чалавека, якi хоча разгарнуць вытворчасць? Магчымасць набыцця цi арэнды ўчастка зямлi. Цяпер стала магчыма атрымаць зямельны надзел без аўкцыёну, распачынаць будаўнiцтва, а дакументы на адвод зямельнага ўчастка афармляць паэтапна. Вялiкая справа таксама — вызваленне ад мытных пошлiнаў, ад падатку на дабаўленую вартасць, а ў некаторых выпадках — i ад мясцовых падаткаў i збораў. — Можна сказаць, што названы Дэкрэт стаў крокам наперад у iнвестыцыйнай дзейнасцi органаў улады нашай краiны? — Я так не гаварыў бы, а то можа скласцiся ўражанне, што раней мы тапталiся на месцы, а зараз нарэшце зрабiлi крок. Работа вялася i раней. I названы дакумент стаў лагiчным яе працягам, працягам у святле патрабаванняў часу. Настаў час палепшыць умовы для дзейнасцi iнвестара, зрабiць iх больш прывабнымi. Але нават з прыняццем своечасовых патрэбных дакументаў не варта чакаць, што iнвестары самi валам паваляць. Зноў жа патрэбна пастаянная карпатлiвая работа па iх пошуку, iнфармаваннi i прыцягненнi ў рэгiёны нашай краiны. Прынятыя дакументы — задзел на будучыню. Станоўчым момантам новага дакумента з'яўляецца i тое, што ён дае права заключаць iнвестыцыйны дагавор на падставе рашэння аблвыканкама. Значыць, працэдура правядзення магчымага праекта ў жыццё спрашчаецца. Святлана ЯСКЕВIЧ. |