Падглядаць за Алісай з Краіны Цудаў

Источник материала:

Цім Бёртан зрабіў візіт у Дзівосную краіну Льюіса Кэрала і па павароце зняў фільм: крыху жахалку, крыху з Джоні Дэпам і з вялікай дозай першараднай чароўнай адсябеціны (Алісе ў ім не 7, а 19, ды яна хаваецца ад брыдкага жаніха). За які месяц да прэм"еры зазірнем за заслону і паглядзім, як здымалася «Аліса ў краіне цудаў».

Сёння — як кіношнікі апраналі пацешных абое-рабое Гутата і Гуляля ( якіх па-ангельску клічуць Твідлдам і Твідлды, а па-расійску Труляля і Траляля).

1. Спярша двух аматараў пабіцца з-за бразготкі намаляваў маэстра Цім Бёртан і запрасіў брытанскага коміка Мэта Лукаса. «Я ўявіў іх гарэзлівымі дзеткамі віктарыянскай эпохі, — кажа Мэт Лукас, якому давялося ўвасабляць адразу двух персанажаў. — Таму я сыграў іх дзяцінелымі. У мяне гэта атрымалася лёгка, бо я сам — вялікае дзіця».

2. Ува што не ўлезеш дзеля мастацтва! Мэта Лукаса здымаюць у спэцкасцюме. Справа — яго дублёр.

3. Ад перамены месцаў складнікаў у кіно сума ўсё ж мяняецца. Калі хто не заўважыў — Лукас цяперака справа.

4. Каб перайсці да этапу камп"ютэрнай анімацыі, захоўваем у лічбавым выглядзе ківомігі і розныя ракурсы галавы.

5. Твар Лукаса супастаўляюць з атрыманым мульцяшным вобразам дзеля большай дакладнасці мімікі.

6. Вопратка, футра і пер"е. Анімацыя-уцелаўленне завершаная.

7. А гэтак вы ўбачыце ўсё на экране, дзе анімацыя спалучаецца з краявідам Дзівоснай Краіны. Супастаўляем карцінку 1 і 6 — знайдзіце 10 падабенстваў.

8. Калі вам гэтага замала, дык гляньце, як уяўляўся Гутата і Гуляля першыму афармляльніку Кэралаўскага «Залюстроўя».

Дарэчы, пару месяц таму выйшаў цудоўны беларускі пераклад Веры Бурлак «Алісы ў Залюстроўі», які надрукаваў часопіс ARCHE.