5 лекцый у галерэі «Ў»

Источник материала:

«Аб культуры і культурнай палітыцы»

З 17 сакавіка па 14 красавіка кожную сераду ў галерэі «Ў» а 19-й гадзіне будуць праходзіць лекцыі беларускага філосафа і метадалога Уладзіміра Мацкевіча

У лекцыях будуць працягнутыя палемічныя разважанні аб культуры, пачатыя ў Арганізацыйна-дзейнаснай гульні «Распрацоўка праграмных і стратэгічных прапановаў развіцця культуры Беларусі: ад дэсаветызацыі да еўрапеізацыі», якая праходзіла з 7 па 12 лютага 2010 году.

На лекцыях Вы будзеце мець магчымасць пачуць і абмеркаваць:

• філасофію культуры і практычныя вынікі і рашэнні, якія выводзяцца з гэтай філасофіі;

• ацэнку 20-гадовага этапу развіцця культуры ў незалежнай Беларусі, асноўныя праблемы і выклікі найбліжэйшай будучыні;

• крытыку канцэпцый і падыходаў, якія вызначаюць культурны працэс у сучаснай Беларусі;

• стратэгію і праграму дзеянняў у сферы культуры, якую рэалізуюць дзейныя асобы і выканаўцы, што падзяляюць ідэалы і каштоўнасці праграмы «Культурнай палітыкі».

Серада, 17 сакавіка, 19.00

Лекцыя 1 (актуальная сітуацыя): «Як можна мысліць культуру? Як трэба яе мысліць і як не трэба, або Дзе Валянцін Акудовіч мае рацыю, а дзе не»

Онлайн-трансляцыя тут

Серада, 24 сакавіка, 19.00

Лекцыя 2 (гісторыя і перарваныя традыцыі): «Культурныя катастрофы: 200 гадоў дрэйфу без спадарожнага ветру»

Онлайн-трансляцыя тут

Серада, 31 сакавіка, 19.00

Лекцыя 3 (цяперашні час): «Што такое рэалізм, або Вялікія стылі ў культуры і фантастычная рэальнасць»

Онлайн-трансляцыя тут

Серада, 7 красавіка, 19.00

Лекцыя 4 (зона найбліжэйшага развіцця): «Герой нашага часу, або Супраць постмадэрну і пасля яго»

Онлайн-трансляцыя тут

Серада, 14 красавіка, 19.00

Лекцыя 5 (будучыня невызначаная): «Чуткі пра смерць аўтара моцна перабольшаныя, або Як чытаюць і пішуць, здымаюць і бачаць, адчуваюць і ўвасабляюць у глабальным сеткавым свеце»

Онлайн-трансляцыя тут