Прыцягальны этнастыль

Источник материала:

Беларускія і швейцарскія музыканты разам іграюць незвычайны джаз
Прэм’ера гэтага музычнага праекта з поспехам прайшла ў швейцарскім горадзе Босвіль. Аўтары ідэі і выканаўцы — швейцарскі джазавы калектыў АВАЕ і салісткі беларускага этнаджазавага ансамбля Akana.
Таленавітыя, прагныя да ўсяго арыгінальнага ў сферы музыкі людзі пазнаёміліся, калі швейцарскія музыканты прыязджалі ў Беларусь увосень мінулага года. Гасцей зацікавіў рэпертуар беларускага гурта, у ім шмат песенных стылявых пластоў: ад архаічнага каляндарна-абраднага да познетрадыцыйнай лірыкі з розных этнаграфічных регіёнаў Беларусі.
У выніку супрацоўніцтва гуртоў і нарадзіўся музычны праект: спалучэнне джаза і беларускага фольклору.
Пасля серыі канцэртаў у Швейцарыі ўдзельнікі праекта маюць намер прадставіць яго аматарам джаза і народнай музыкі ў Беларусі. З гэтай мэтай плануецца арганізаваць гастролі швейцарскіх музыкантаў і беларускіх вакалістак па краіне.

Алена Грышына