Вольскі, Ярмоленка і Пугач

Источник материала:

Песні Лявона Вольскага на вершы беларускіх класікаў ад XVIII да XXI стагоддзя. Правёўшы прэзентацыю праекта ў Купалаўскім тэатры, арганізатары не паспелі выдаць дыск своечасова. І вось нарэшце ён з’явіўся ў продажы.Тры песні з CD можна праспяваць караоке. Гэта «Пахне чабор» на словы Петруся Броўкі, «Гэй, наперад» Янкі Купалы і «Парушыўшы законы прыцягнення» Аркадзя Куляшова.

***

CD. Ярмоленка Анатоль і ансамбль «Сябры». Свояк / 15 трэкаў / Агульны час гучання 54:03.

На дыск увайшлі даўно вядомыя песні на словы беларускіх паэтаў. «А я лягу-прылягу» Ніла Гілевіча, «Гуляць дык гуляць» Уладзіміра Някляева, «Полька беларуская» Леаніда Дранько-Майсюка і іншыя.

***

CD. Аляксандра і Канстанцін. Ключы залатыя. Лепшае 2001-2009 / 19 трэкаў / Агульны час гучання 01:00:22.

Дыск колішніх прадстаўнікоў Беларусі на конкурсе «Еўрабачанне» склалі самыя яркія і паспяховыя кампазіцыі з альбомаў «За ліхімі за марозам», «Сойка», «Аўтаномная навігацыя».

***

CD. МРОЯ. Дваццаць восьмая зорка. Поўны альбом з бонусамі / 8 трэкаў + 2 бонус-трэкі + відэа «Я — рок-музыкант» / Агульны час аўдыё 46:00.

Перавыданне самага бліскучага альбома былога гурту Лявона Вольскага. З якога пасля вырас N.R.M.

***

CD. Mauzer. Porna / 12 трэкаў / Агульны час гучання 45:03.

Запісаўшы другі альбом, гурт пакінулі адразу два музыкі. А перад акустычнай прэзентацыяй «Porna» у Мінску загаварылі пра развал каманды. Але лідэр каманды Янка Маўзер запэўніў, што гурт будзе існаваць. Mauzer рыхтуецца да электрычнай прэзентацыі альбома ў сталіцы.

***

DVD. J:МОРС. Концерт в театре. Сеанс с разоблачением / Відэа з канцэрта 8 снежня 2009 у Нацыянальным акадэмічным тэатры імя Янкі Купалы / 16 трэкаў + 4 бонусы + фоты / Агульны час музычнага відэа 02:53:26 + дадаткі.

«Гэта камерны канцэрт. Такім ён задумваўся, спадзяюся, такім і атрымаўся. Ён спакойны, нават з элементамі самааналізу. Больш мозга — больш мускулаў! І больш душы, напэўна...», — так ацаніў канцэрт Уладзімір Пугач.

***

CD. Sciana. Кропка вяртання / 10 трэкаў / Агульны час гучання 41:33.

Шлях працягваецца роўна столькі, колькі дазваляе яна — кропка вяртання. Далейшы рух ахутаны сутоннем невядомасці і выпадковасці. Адзін крок — і твой лёс ужо ніколі не будзе ранейшым. Як той рубікон — назаўжды змяняе цябе, забірае апошнюю магчымасць звярнуць назад...