Ужо некалькі дзесяткаў год даследчыкі, музыкі і майстры вядуць дбайную
працу па вяртанні ў нацыянальны культурны кантэкст аднаго з самых
таемных і унікальных музычных інструментаў - беларускай дуды.
Традыцыя вялікіх сустрэч фалькларыстаў, прыхільнікаў дуды і ўласна
дудароў на Беларусі паспяхова ўзнаўляецца. У нашай краіне вырасла
цэлая супольнасць самабытных дудароў, і відавочным становіцца тое, што
беларуская дуда становіцца ўсё больш цікавай для маладой аўдыторыі,
пачынае ізноў шырока гучаць на канцэртных пляцоўках. А высокі
выканальніцкі ўзровень маладых музыкаў, іх прадуманы і сбалансаваны
рэпертуар сведчаць аб тым, што на нашай постфолкавай і медыевальнай
сцэне ветэранам ёсць годная змена.
Прыкладам гэтаму быў і з'яўляецца беларускі Дударскі фэст. Першы раз
ён адбыўся напачатку 90-х гадоў і потым, праз некаторы перапынак,
узнавіўся ўжо ў сваім традыцыйным фармаце. Сёлеташні, 10-ы юбілейны,
фестываль мае на мэце сабраць унікальных музыкаў і стварыць умовы для
іхняга творчага супрацоўніцтва. На Дударскім фэсце-2010 будзе гучаць
рознапланавая музыка, ад традыцыйнага фолка да рока. Наведвальнікі
пачуюць беларускую, шатландскую, галіцынскую, шведскую і латышскую
валынкі.
Удзел у Дударскім фэсце прымуць такія гурты, як Стары Ольса, Зніч,
Ліцвінтроль, Тэстаментум Тэра, Кейлі Кёл, Расалія, Унія і шматлікія
іншыя.
Чакаем вас 19 мая на крытай танцпляцоўцы парка Чалюскінцаў з 18 да 22 гадзін.
Кошт квіткоў: 20 000 пры папярэднім продажы, 25 000 у дзень мерапрыемства.
Увага! Кожны, хто набудзе квіток на Дударскі фэст загадзя, атрымае ў
падарунак вялікі постэр гурта Стары Ольса!
Пункты продажу квіткоў: падземные пераходы плошчы Якуба Коласа,
Кастрычніцкай плошчы, каля ГУМа, у ГЦ "Купалаўскі" (19 кропка), ГЦ "Рыга" (18 кропка) і інш.
Даведкі, а таксама замоўленне квіткоў па тэлефоне: 6-490-888. |
Главная
Гороскопы
