На Кангрэсе беларусістаў узгадалі арыштаванага Някляева

Источник материала:

У Мінску сёння адкрыўся V Міжнародны кангрэс беларусістаў. На ім сабраліся даследчыкі літаратуры, культуры, гісторыі з многіх краін свету - больш за 170 удзельнікаў, сярод якіх - навукоўцы з Польшчы, Нямеччыны, Украіны, Літвы, Расіі, ЗША, Аўстрыі, Швэйцарыі, Ізраіля, Вялікабрытаніі, Нарвегіі.

Пасля пленарнага паседжання да ўдзельнікаў звярнуўся прадстаўнік грамадзянскай кампаніі "Гавары праўду!", які паведаміў, што затрыманы Ўладзімір Някляеў і заклікаў падтрымаць яго, выказаць салідарнасць.

Ангельскі даследчык літаратуры Арнольд МакМілін свой выступ аб стане сучаснай беларускай літаратуры вачыма замежніка прысвяціў паэту У. Някляеву, які арыштаваны і знаходзіцца пад следствам.

Тым часам у фае будынка, дзе адбываецца кангрэс, праходзіць збор подпісаў, арганізаваны актывістамі кампаніі "Гавары праўду!", за перайменаванне вуліцаў імём Васіля Быкава. Удзельнікі мерапрыемства ахвотна падпісваюцца.