Пачаўся выбар найлепшай белмоўнай песні

Источник материала:

Партал беларускамоўнай музыкі "Тузін Гітоў" разам са сваімі слухачамі пачынае выбіраць найлепшую песню 2010 года. Экспертная рада, што сёлета складалася з тэлепрадусараў, ужо ўфармавалі шорт-ліст. Спіс досыць доўгі, бо змяшчае ажно 48 песні.Цяпер, пасля экспертаў, за справу возьмуцца слухачы: з 2-га жніўня шляхам галасавання на сайце "Тузіна" яны будуць адкідваць па адной ці па тры песні. Дванаццатка найлепшых песень складзе выніковы "залаты" тузін году. Калі застаецца 12 песень — галасы абнуляццца і галасаваньне працягнецца да 26 жніўня, ажно пакуль у чарце не застанецца адна-адзіна - Песня Году на "Тузіне".

Хто сярод прэтэндэнтаў на найлепшую песню? Няўдачнікі "Еўрабачання" гурт 3+2 з песняй "Анёлы", N.R.M. з нашумелай "Палітыкай-паралітыкай", Юры Дземідовіч, які cёлета перапяяў па-беларуску свой (а)культавы хіт "Чароўны трусік", а таксама дуэт Вольскага з Памідоравым, які выканаў рэп на словы Багушэвіча "Немец".

"У нас па-ранейшаму мала беларускамоўнай поп-музыкі, а якаснай поп-музыкі - пагатоў, - кажа адзін заснавальнікаў партала "Тузін Гітоў" Сяргей Будкін. — Поп-выканаўцы ж плывуць па вадзе і не схільныя да эксперыментаў, таму калі мы хочам атрымаць вынік - якасную беларускамоўную поп-музыку, - трэба з тымі музыкамі працаваць і ўсяляк заахвочваць спяваць па-беларуску".