На «Лістападзе» – выключна аўтарскае кіно
04.11.2010 10:53
—
Новости Культуры
|
У асноўным конкурсе мастацкіх фільмаў кінафестывалю прымуць удзел дванаццаць стужак. Адбузецца «Лістапад» з 5 па 12 лістапада ў Мінску. «Прагульшчыкі» (Грузія, 2010, рэжысёр Ляван Когуашвілі). Наркаман Чэкі ў пошуках грошай пагаджаецца падставіць сына вядомага палітыка. У цэнтры стужкі – чалавечыя перажыванні. Паказ пройдзе 6 лістапада, 17.00.«Усходнія п’есы» (Балгарыя-Швецыя, 2009, Камен Калеў). Браты сустракаюцца падчас нападу неанацыстамі на турэцкую сям’ю. Сустракаюцца па розныя бакі барыкадаў. Каб разабрацца ў жыцці, яны павінны злучыць свае высілкі. 6 лістапада, 19.30.«Шчасце маё» (Украіна-Германія-Нідэрланды, 2010, Сяргей Лазніца). Кіроўца фуры падчас доўгай дарогі ў расейскай глыбінцы сустракаецца з рознымі людзьмі. Гэтая паездка змяняе чалавека. Стужка адметная тым, што з’яўляецца дэбютнай для рэжысёра, ураджэнца Баранавічаў. 9 лістапада, 20.30.«Святы Георгій забівае дракона» (Сербія-Боснія-Герцагавіна-Балгарыя, 2009, Срджан Драгоевіч). Любоўны трохкутнік, які ўзнікае падчас Першай сусветнай вайны ў сербскай вёсцы паблізу мяжы з Аўстра-Венгрыяй. Каханне, здрада, забойства. 8 лістапада, 20.30.«Выкрадальнік святла» (Кыргызстан-Францыя-Германія-Нідэрланды, 2010, Актан Арым Кубат). Фільм аб вясковым электрыку, які ў хаты прыносіць не толькі святло, але і любоў… 7 лістапада, 19.30.«Зваротны рух» (Расія, 2010, Андрэй Стэмпкоўскі). Жанчына, якая жыве ў невялікім расейскім горадзе, атрымлівае паведамленне, што яе адзіны сын прапаў без звестак падчас вайсковых дзеянняў. Яна бярэ да сябе бяздомнага юнака-гастарбайтара. І як знак, вяртаецца яе сын. 11 лістапада, 21.30.«Масакра» (Беларусь, 2010, Андрэй Кудзіненка). Сюжэт фільма выбудоўваецца вакол любоўнага трохкутніка — граф Пазуркевіч — Ганна — Мікалай Казанцаў. Падзеі разгортваюцца на фоне падаўленага паўстання супраць царызму. 7 лістапада, 17.00.«Перамір’е» (Расія, 2010, Святлана Праскурына). Гэтага горада няма на карце, ён пазначаны толькі ў радку пуцявога ліста. Менавіта туды і скіроўваецца Ягор Мацвееў. Ён сутыкаецца з людзьмі, якія пакутуюць і кахаюць, паміраюць і ажываюць, мараць быць Пушкіным і Пагачовай… 10 лістапада, 18.00.«Рэверс» (Польшча, 2009, Борыс Ланкош). Маці і бабуля хочуць ажаніць трыццацігадовую Сабіну. Але іх кандыдатуры жаніхоў не падабаюцца жанчыне. Усё змяняецца пасля знаёмства з Браніславам. 8 лістапада, 18.00.«Аўрора» (Румынія-Францыя-Швейцарыя-Германія, 2010, Хрысціна Пую). Саракагадовы інжынер з Бухарэста вырашае кінуць працу, каб пазбавіцца пачуцця пастаяннай няўпэўненасці. «Неабходным» інструментам для гэтага становіцца стрэльба. 11 лістапада, 18.00.«Другое неба» (Расія, 2010, Дзмітрый Мамулія). Пастух Алі з бязлюдных прастораў Сярэдняй Азіі накіроўваецца ў мегаполіс на пошукі новай жонкі. З ім ідзе і яго дзевяцігадовы сын. 9 лістапада, 18.00.«Андрыена Пал» (Венгрыя-Нідэрланды-Францыя-Аўстрыя, 2010, Агнеш Кочыш). Медсястра Пірожка працуе ў аддзяленні для хворых у тэрмінальнай стадыі. Аднойчы яна едзе на пошукі сяброўкі дзяцінства. Спрабуючы ўзнавіць ўспаміны, яна скіроўваецца ў сваю памяць і памяць людзей, якіх сустракае на сваім шляху. 10 лістапада, 20.30.Усе прагляды пройдуць у «Доме кіно» (вул. Талбухіна, 18). Падзяліцца навіной:
КМ Чтобы разместить новость на сайте или в блоге скопируйте код:
На вашем ресурсе это будет выглядеть так
У асноўным конкурсе мастацкіх фільмаў кінафестывалю прымуць удзел дванаццаць стужак. Адбузецца «Лістапад» з 5 па 12 лістапада ў Мінску.«Прагульшчыкі» (Грузія,...
|
|