Гары Потэр агаліўся

Источник материала:

Гары Потэр і Дары смерці: Частка І (Harry Potter and the Deathly Hallows: Part 1)

ЗША — Вялікабрытанія, 2010, каляровы, 146 хв.

Рэжысёр: Дэвід Етс

Ролі выконваюць: Дэніэл Рэдкліф, Рупэрт Грын, Эма Ўотсан, Ральф Файнс, Гелэна Бонэм-Картэр, Алан Рыкман, Імельда Стэнтан, Том Фэлтан, Боні Райт, Брэндан Глісан, Джон Гёрт, Рыс Іванс, Іванда Лінч

Жанр: Фантазійныя прыгоды паводле аднайменнай кнігі Джаан Роўлінг

Адзнака: 6 (з 10)

У грамадзе чараўнікоў уладу захапілі цёмныя сілы. Гары Потэру з сябрамі, каб перамагчы, трэба разгадаць тайну Дарункаў смерці і адшукаць загібель Цёмнага Лорда.

Сёмую кнігу слыннае эпапеі для экранізацыі падзялілі на дзве часткі. Першая з’явілася на экране, наступная плануецца налета. Рэжысёрам выступіў Дэвід Етс, які ўжо ставіў папярэднія кнігі пра Гары Потэра.

Схаладнелая прырода рыфмуецца са змрочнымі падзеямі, шэры туман агортвае герояў. Нават магічныя спецэфекты, якія не прымусяць публіку сумаваць, зледзянелыя ад страху. (Затое казка пра Дарункі смерці — лялечна-агнявая й жывая.)

На тварах герояў ужо зусім не дзіцячыя эмоцыі, а 

(але тактоўна размытыя).

Хаця амаль трохгадзінная стужка апошніх прыгодаў Гары Потэра й дынамічная, масавыя сцэны — стрыманыя, а агульныя эмоцыі — сцішаныя. Адпаведна настрою сёмае кнігі пануе халаднаватая й крыху пластыкавая змрочнасць. Замаленькіх дзяцей лепей гэтай атмасфераю не палохаць.