Беларускі мастак атрымаў Рыцарскі Крыж ордэна Адраджэння Польшчы

18.01.2011 02:00 — Новости Культуры |

Размер текста:: A; A; A

Источник материала:

Еўрапейскае радыё для Беларусі 17 студзеня прадстаўнік беларускай нацыянальнай меншасці ў Польшчы мастак Лявон Тарасевіч атрымаў Рыцарскі Крыж ордэна Адраджэння Польшчы. Як паведамляе газета Kurier Poranny, узнагароду Тарасевічу ў кракаўскім Вавелі ўручыў прэзідэнт Польшчы Браніслаў Камароўскі.

Беларус атрымаў узнагароду за выбітны ўнёсак у нацыянальную культуру Польшчы, за дасягненні ў галіне мастацкай творчасці і выкладчыцкай дзейнасці.

Акрамя Тарасевіча, узнагароды з рук прэзідэнта атрымаў шэраг іншых прадстаўнікоў культуры Польшчы.

Тарасевіч — адзін з самых вядомых мастакоў, якія жывуць у Польшчы. Ён удзельнічаў у заснаванні штогадовага беларускага фэсту "Басовішча". Раней Тарасевіч ужо атрымліваў узнагароду імя Яна Цыбіса, узнагароду Фундацыі Зоф'і і Ежага Навасельскіх, Вялікую ўзнагароду Фонду культуры "За істотны ўнёсак у класічны жывапіс і мастацтва ўвогуле" і пашпарт газеты "Polityka".

В блог

Чтобы разместить новость на сайте или в блоге скопируйте код:

На вашем ресурсе это будет выглядеть так

Беларускі мастак атрымаў Рыцарскі Крыж ордэна Адраджэння Польшчы

17 студзеня прадстаўнік беларускай нацыянальнай меншасці ў Польшчы мастак Лявон Тарасевіч атрымаў Рыцарскі Крыж ордэна Адраджэння Польшчы. Як паведамляе газета...