Дзевяноста пілігрымаў ідуць з Полацка ў Будслаў

Дзевяноста полацкіх пілігрымаў выйшлі раніцай 30 чэрвеня з Глыбокага. Яны ідуць на фэст Маці Божай Будслаўскай праз Порплішча і Параф’янава. Карэспандэнт “Вестак” наведаў пілігрымку.

Калі параўноўваць полацкую пілігрымку з глыбоцкай, адразу кідаюцца ў вочы адрозненні. Пераважная частка глыбоцкіх пілігрымаў – школьнікі. У полацкай болей студэнтаў, працоўнай моладзі. Каб адважыцца ісці пехатою пяць дзён, трэба быць свядомым вернікам.

Пілігрымы ідуць змучаныя, але вясёлыя. Жартуюць і распавядаюць цікавыя гісторыі праз мікрафон. Адным словам, полацкая пілігрымка пакінула пасля сябе вельмі цёплае ўражанне.
 






















30 чэрвеня 2011, Чачукі - Порплішча - Глыбокае