Dreamgale: Паслядоўнікі Ace of Base з грамадзянскай пазіцыяй

Электра-поп дуэт са Швецыі быў адзіным з усіх удзельнікаў праекту “Будзьма! Тузін. Перазагрузка–2”, які адмовіўся ад паслугаў перакладчыка і самастойна напісаў твор па-беларуску.

Музыкі лічаць тэкст песні “Апошняе сонца” адным з найбольш удалых у сваёй творчасці і прызнаюцца, што было няпроста перакласці яго на ангельскую для сінгла Final Gorizont, які выйдзе ўвосень 2011 года.

Dreamgale заснавалі два беларусы — Майк Сэндэр і Зміцер Палагін, да іх далучылася шведская мадэль і спявачка Сафія Матсан. Цікава, што музыкі актыўна супрацоўнічалі з прадзюсарам Пэрам Адэбратам (Ace of Base, Army of Lovers) ды распачалі грамадскую кампанію, каб у Швецыі нашу краіну афіцыйна называлі Belarus, а не Vitryssland.

 

Прэм’ера песні “Апошняе сонца” – сёння на сайтах "Будзьма беларусамі!" і "Тузін Гітоў".